Connect with us

Hi, what are you looking for?

Aktyalite AN KREYÒL

10 prizonye mouri, 4 polisye blese, 6 zam rekipere,se bilan tantativ evazyon nan prizon Kwadèboukè a

10 prizonye mouri,4 polisye blese,6 zam rekipere,se bilan tantativ evazyon nan prizon Kwadèboukè a

10 prizonye mouri, 4 polisye blese, 6 zam rekipere, se bilan tantativ evazyon nan prizon sivil Kwadèboukè a yè vendredi 31 desanm 2021 an .

Yon tantativ evazyon anndan prizon sivil Kwadèboukè a , yè aprèmidi 31 desanm lan, lakoz 8 prizonye mouri sou plas plis 2 lòt mouri pandan yo t ap fè dilijans pou ale lopital ak yo epi 4 polisye blese (2 blese grav, 2 lòt yo gen blesi lejè), 6 zam rekipere (twa pistolè, 2 douz ak yon M4), prizonye yo te mete dife tou nan depo manje a ak kafeterya a . Bilan sa se aprè konsta jij de pè Annyl Civil ki te rann li sou plas aprè evennman sa te fin pase yo .

Selon enfòmasyon ki rive jwenn redaksyon Juno7 la, zak sa yo pase nan aprèmidi vè 5 è . Prizonye yo te gen twa zam nan men yo pou mennen atak sa. Prizonye yo te pran 4 polisye ak yon enfimyè an  otaj tou, se la yo ta pral kòmanse tantativ evazyon yo. Menm gwoup prizonye sa yo, te arive gen posiblite rantre nan biwo chèf de pòs prizon an epi pran 2 douz ak yon M4 ki ta pral ogmante kantite zam yo pou  mennen atak yo kont ajan APENAH yo.

Juno7 Pub

10 prizonye mouri,4 polisye blese,6 zam rekipere,se bilan tantativ evazyon nan prizon Kwadèboukè a

Aprè alèt evazyon an te fin lanse anndan prizon an, direktè APENA René Pierre François te fè kontak ak wo Kòmandman lapolis la ki ta pral voye yon kontenjan ajan inite espesyalize ki gen ladan l CIMO, Swat-Team, BRI, BLVV, BLTS. Inite espesyalize sa yo te rive a tan epi metrize sitiyasyon an epi rekipere zam ki te nan men gwoup prizonye  sa yo. Sa ki ta pral mennen echèk ak evazyon sila. Se nan moman sa 10 prizonye ta pral mouri nan echanj kout zam ak lapolis . Byen avan inite espesyalize yo te rive, ajan APENAH yo te riposte kont gwoup prizonye sa yo pou anpeche gwoup prizonye sa yo sove.

Nan kan lapolis la, 4 polisye blese (youn pran bal nan pye epi lot nan tèt ). Pou enfimyè 

ki te an otaj la, li pa gen anyen sèlman li te twomatize daprè enfòmasyon jounal la konfime.

Aksyon sa yo pase nan moman komisè gouvènman Kwadèboukè a, met Roosevelt Zamor te twouve l anndan prizon an. Li te twouve l nan espas la pou planifye yon odyans sou kesyon detansyon prevantiv pwolonje a. 

Konsènan twa zam ki te twouve nan men gwoup prizonye yo, otorite lapolis  yo pa an mezi konfime kote zam sa yo pase pou rive jis nan men prizonye yo. Lapolis gentan louvri yon ankèt pou konnen kijan zam sa yo fè rantre. 

Sitiyasyon sa te kreye gwo panik yè deyò prizon an kote te gen anpil kouri. Aprè operasyon inite espesyalize yo, tout bagay te retounen nan nòmal ni deyò ak anndan prizon an.

10 prizonye mouri,4 polisye blese,6 zam rekipere,se bilan tantativ evazyon nan prizon Kwadèboukè a

Dekouvri plis:

États-Unis: condamné à 110 ans de prison, la peine du chauffeur de camion est réduite à 10 ans

Written By

Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil

Click to comment

Leave a Reply

Votre adresse e-mail ne sera pas publiée. Les champs obligatoires sont indiqués avec *

Plus de contenu

Sécurité

Plusieurs bandits tués dans des échanges de tirs avec la Police Nationale d’Haïti à Cité Doudoune, Croix-des-Bouquets, quatre autres appréhendés ce mercredi 19 janvier...

Sécurité

Le DG de la PNH Frantz Elbé a rencontré Cristobal DUPOUY, le Représentant Permanent de l’OEA en Haïti. Dans le cadre de la coopération...

Sécurité

La Police nationale d’Haïti (PNH) a appréhendé un soldat du gang des “400 mawozo” et saisi un véhicule piloté par des bandits du même...

Sécurité

Le DG de la PNH rencontre la cheffe du BINUH sur la situation sécuritaire du pays en ce début d’année. Le service de presse...