Rapè ameriken an tout moun konnen sou non DMX mouri jodi vandredi 9 avril 2021 an, a 50 lane, apre yon semèn sou kabann lopital kote l te ospitalize pou yon kesyon ovèdoz.
Nouvèl la konfime pa fanmi rapè a ki te ospitalize nan lopital White Plains nan nò vil Nouyòk. Apre nouvèl lanmò sa, nan mwens ke 40 minit plis pase 200 mil mesaj te deja sou Twitter pou salye depa atis la ki te chante mizik a siksè sa yo tankou Where The hood at ak X Gon’give it to ya.
Atis la te gen 15 pitit epi fè yon “cure de désintoxication” an 2019 pou kesyon dwòg.
DMX gen pou bon non Earl Simmons, li debite karyè mizikal li an 1980. Li fè 8 album, dènye a se te an 2015. Li vann plis pase 30 milyon album pandan karyè li.
N ap raple w menm jodi vandredi sa, nan peyi Angletè maten an te gen yon move nouvèl ki anonse lanmò Prens Philipp ki se mari rèn Elizabeth ki mouri a 99 lane. Kèk èd tan, se nouvèl lanmò DMX ki fè sifas. Mond mizikal, espesyalman endistri mizikal ameriken an an dèy apre depa ikòn sa.
Dekouvri plis:
COVID-19: Haïti demande un autre vaccin à la place de “AstraZenaca”
