Connect with us

Hi, what are you looking for?

Aktyalite AN KREYÒL

“Eh Eeeey! Woooy! Natacha di “WI” ak Ti Jo pou 29 me nan El Rancho

"Eh Eeeey! Woooy! Natacha di "WI" ak Ti Jo pou 29 me nan El Rancho

Natacha Lafontant anpil moun konnen tou sou non “Chachou Creative” kontinye ap kreye sansasyon sou rezo sosyal yo atravè lanmou li montre li degaje pou Ti Jo ak gwoup Kreyòl La.

Dam sa ki toujou revandike li se yon “zuzu” pa sispann bay entènot yo plezi atravè Live li yo sou Facebook ak IG kote li toujou ap montre lanmou li pou Ti Jo nan mizik atis la.

Lanmou an tèlman grandi, chantè gwoup Kreyòl La gade sa gran nan poste kèk videyo Natacha, fè eslogan Natacha a tou “Eh eey wooooy”. Sa ki ta pral fè Natacha prèske pèdi tèt li se dènyeman anndan yon bal Ti Jo di rele Natacha pou li epi fè eslogan madanm zuzu an pou anime foul la.

Juno7 Pub

Natacha voye kado pou Ti Jo

Touswit apre sa, anndan yon Live Facebook, Natacha te tonbe amoure nèt de chantè a pandan anndan Live sa li t ap mete ti piman pou fè moun ri. Se la tou madanm zuzu an te rete Live pou montre fanatik yo sa l ap achte pou Ti Jo nan okazyon fèt chantè a. Natacha achte sentiron ak soulye Gucci ki prèske koute anviwon 2 500 dola ameriken epi voye transfè mil dola ameriken sou non Ti Jo pou jazz la manje kabrit.

Ti Jo an retou te apresye jès la

Anndan yon videyo, chantè konpa a remèsye Natacha pou jès la li konsidere ki konte pou li anpil. Epi te tou pwofite anonse l ap fè Natacha sipriz. Yon sipriz ki pa pran tan pou li vini.

Gwoup Kreyòl La anndan yon lèt ki piblik envite Chachou kòm envite donè nan fèt Ti Jo 29 me k ap vini la anndan El Rancho. Gwoup la deklare se li k ap pran an chaj biyè davyon ak chanm otèl Natacha san konte sekirite Zuzu a.

Juno7 Pub

San pèdi tan Natacha di “wi wi wi” sitou depi jou yo li te getan di kè l cho li pa ka tann sipriz Ti Jo a.

Samdi 29 me sa, jaden El Rancho ap plen anpil pou vin gade Natacha kòm envite donè anndan fèt Ti Jo, yon atis li gen anpil apresiyasyon pou li ki ba l pil valè tou an retou.

Natacha se yon fanm k ap fè biznis, ki pran rezo a pou li depi kèk tan. Yon fanm ki gen yon “estime de soi” anraje epi ki pa gen okenn konplèks pou fòm li. Nan Live li yo li toujou ap remonte moral moun, pale an zuzu, bay blag, danse, pataje kòb, sa ki ba li yon bèl vizibilite sou rezo a. Eh hey! Wooooy! Pral gen zen El Rancho.

Juno7 Pub
Dekouvri plis:

Référendum et élections: le premier ministre a.i Claude Joseph visite plusieurs institutions étatiques

Juno7 Pub
Written By

Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil

Click to comment

Leave a Reply

Votre adresse e-mail ne sera pas publiée. Les champs obligatoires sont indiqués avec *

Plus de contenu

Actualités

 Moins de 24 heures après la réalisation de la grande marche organisée dans la capitale haïtienne à l’initiative du” Regroupement des Artistes Haïtiens”, une...

Société

 “Ne demandez pas ce que votre pays peut faire pour vous. Demandez ce vous pouvez faire pour votre pays.” Cette déclaration de Kennedy a...