Connect with us

Hi, what are you looking for?

Santé

Èske manje graten reprezante danje pou sante moun?

Èske manje graten reprezante danje pou sante moun?

Graten se sa ki ret anba chodyè a lè manje a fin kuit epi anpil moun konn pran plezi manje. Nan yon ti pale nou te fè ak yon etidyan medsin anndan Inivèsite Fondasyon Aristide (UNIFA), Faïly Anderson Trazil ki konsakre anpil rechèch li sou medsin prevantiv te pote kèk eksplikasyon sou sijè sa pou nou.

Juno7 Pub

Koze graten pa gen moun ki ka oze di yo pa goute l menm yon fwa. Gen yon jan yon diri blan byen grese ou ka oze mande si graten an pa pi gou ke diri a. Gen graten espageti ki byen sèk, graten mayi kole ak pwa epi w lage yon ti legim sou graten sa. Dèfwa, anpil moun si manje a pa gen graten gen moun ki di w gen yon plezi, yon gou manje sa manke.

Men, èske li bon pou ap manje graten? Ki risk sa ka gen sou sante w? Se nan lide sa nou te rankontre ak Faïly Anderson Trazil epi pale ak li.

Jèn espesyalis la ki konsantre anpil rechèch li sou medsin prevantiv te koumanse pou l di gen kèk kote yo pa rekòmande moun manje graten paske jan moun yo retire l nan chodyè a gen risk pou l reprezante gwo danje

“Anpil fwa n ap retire graten yo nan chodyè a nenpòt kòman ki vin fè l reprezante gwo danje pou sante nou. Se sa k koz genyen anpil kote li pa rekòmande pou moun, sitou timoun yo manje graten”.

Ki kote pwoblèm sa soti?

Si n ap refere n ak eksplikasyon Faïly yo, nou kapab di se pa graten an ki pwoblèm vre men pito se metal ki fè chodyè yo ak kèk materyèl kizin n ap sèvi ki gen boksit ki gen yon bon kantite aliminyòm.

“Lè w ap retire graten an, ou pase kiyè a genyen anpil chans pou l pran nan aliminyòm ki fè chodyè a mete nan graten an, konsa ou vin manje aliminyòm nan pandan w ap manje graten an. Sa kapab Koze pwoblèm sou sante ou si w vin genyen yon bon kantite aliminyòm nan san ou”, daprè eksplikasyon Faïly Anderson Trazil.

Sa aliminyòm lan ka fè w

Daprè eksplikasyon mesye Faïly ak nou, aliminyòm sa ki kapab vini an gran kantite nan san ou kapab reyaji sou sistèm nève santral moun epi bay twoub, li gen kapasite pou l atake tisi ose yo tou.

Toujou nan eksplikasyon Faïly yo, aliminyòm lan gen risk pou l fè w pèdi memwa, pèdi bon sans. Li kapab fè w devlope maladi alzaymè tou lè w koumanse rantre nan laj, selon sa Faïly fè konnen.

Pou te fèmen konvèsasyon sa, Faïly Anderson Trazil te konkli pou l di pa entèdi moun manje graten men li envite yo fè yon fason pou yo pa rive nan kò chodyè lè y ap grate, yon fason pou evite konsome plis aliminyòm paske se pa graten an ki danje vre men pito aliminyòm yo.

Dekouvri plis:

Le BINUH dénonce une augmentation de 76% à 85 % des personnes en détention préventive prolongée en 10 mois

Written By

Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil

Click to comment

Leave a Reply

Votre adresse e-mail ne sera pas publiée. Les champs obligatoires sont indiqués avec *

Plus de contenu

Santé

Pratik pran vapè lè fanm fin akouche se yon bagay ki egziste depi lontan nan koutim ayisyen an. Pratik sa selon anpil moun se...

Beauté

Faîtes disparaître vos rides en consommant de l”Amande douce Une étude californienne réalisée sur des femmes ménopausées et publiée dans le British Journal of...

Santé

28 mas se ap jounen mondyal kont maladi andometriyoz. Maladi sa se yon maladi kwonik, konplèks ki trè kouran, daprè sa Nittgee Salomon ak...

Aktyalite AN KREYÒL

Koze raze plim nan pati entim oubyen jenital se yon pratik fi kou gason renmen fè. Gen moun ki fè l paske daprè yo...