Flash: Anpil katouch ap tire nan Katye Bèlè aktyèlman

Aktyèlman nan zòn Bèlè, anpil katouch ap tire jodi jedi 1e avril 2021 an.

Daprè kèk enfo ki rive jwenn redaksyon jounal la ta fè kwè se bandi k ap enpoze lwa yo.

Nan kèk videyo k ap sikile sou rezo a nou ka remake gwo lafimen tou nwè k ap monte ki bay aspè kote ki gen gwo difi kap fè dega. Anpil katouch ap chante atravè menm videyo sa yo epi kèk odyo Watsap.

Redaksyon jounal la po ko an mezi konfime si gen viktim ni byen materyèl ki detwi. Men n ap siyale w tire sa yo te koumanse depi nan mitan jounen an, menm Dèlma 18 te enpratikab.

Nan moman n ap ekri atik sa n ap fè w konnen tou zòn lan ak kèk blòk ki antoure l pa bon, li t ap enpòtan pou moun ki abitye frekante zòn sa fè anpil pridans.

Dènyèman, katye Bèlè te sibi gwo atak nèg ak zam ki te koz anpil kay boule, moun mouri,  abitan zòn lan te kouri kite kay yo ale sou Channmas ak kèk lòt zòn.

Dekouvri plis:

Fin de l’isolement pour l’inspecteur général Carl Henry Boucher