Ansyen depite Jean Robert Bossé konfime li gen kowonaviris

Jan enfòmasyon yo t ap sikile fè kwè ansyen depite Jean Robert Bossé gen kowonaviris, konsène a atravè yon mesaj konfime revelasyon sa yo.

Atravè yon mesaj, ansyen depite sou banyè OPL la fè konnen li teste pozitif aprè li te fin santi li gen fyèv, tous, kò kraze ak tèt fè mal jou ki te madi 18 me a.

Ansyen depite a ki fè pati manb opozisyon an rasire tout moun pou l di ke l pa twò mal, li konfine tèt li lakay li.

Mesye Bossé fè konnen li kontinye ap pran konpripe, vitamin epi enfòme ke li kontwole nivo oksijèn li chak 2 èd tan.

Li konseye ak popilasyon an pou fè anpil atansyon nan moman difisil sa.

Selon enfòmasyon nou gen plizyè sant ospitalye nan kapital la ki ranpli ak pasyan ki kontamine pa kowona a.

Dènye jou sa yo chif yo pa sispann ogmante lè nou refere n ak estatistik MSPP toujou ap kominike yo. Otorite sanitè yo menm enfòme gen 2 varyan sou teritwa a ki trè danje.

Fas ak sa, Jovenel Moïse dekrete 8 jou eta ijans sanitè sou teritwa a epi egzije respè jès baryè yo.

Dekouvri plis:

L’Italie remporte l’Eurovision pour la troisième fois