Kowonaviris: Peyi Dayiti resevwa don 500 mil dòz vaksen “Moderna”

Peyi Dayiti resevwa 500 mil dòz vaksen Moderna kont kowonaviris.

Ministè Sante Piblik ak Popilasyon enfòme jounen mèkredi a ke peyi Dayiti resevwa 500 mil dòz vaksen kont kowonaviris la.

Don vaksen sa se kado peyi Etazini fè nou nan kad inisyativ Covax la, si n kwè nòt MSPP a.

Pi lwen, otorite MSPP yo estime lo vaksen sa se yon etap enpòtan nan lit gouvènman an ap mennen pou kapab fè vaksen kont kowonaviris la rive jwenn popilasyon an, yon fason pou lite kont maladi a.

MSPP estime 500 mil vaksen sa pral pèmèt yo lanse kanpay kont kowonaviris anndan peyi a epi garanti gen lòt vaksen k ap kontinye rantre nan peyi a pou vaksinen popilasyon an.

Dènye chif MSPP yo sou evolisyon maladi a anndan peyi a fè konnen gen 79 nouvo ka ak 5 moun ki mouri an plis, sa ki bay yon total 19 374 ka konfime, 3 180 moun pase lopital, 487 moun mouri epi 12 977 moun trete.

Dekouvri plis:

Ansyen depite Victor Profane deklare priyorite Bouclier se jistis pou Jovenel Moïse