Flash: Lapolis ap chache Ansyen senatè Joseph John Joël ak 2 lòt endividi pou kesyon asasina ak tantativ asasina

Polis Nasyonal la sou paj Facebook li anonse li lanse avi rechèch dèyè Joseph Jhon Joël plis 2 lòt endividi.

Joseph John Joël akizasyon ki pandje sou tèt li se asasina, tantativ asasina epi vòl ak zam.

2 lòt sitwayen sa yo se Badio Joseph Félix ki gen akizasyon asasina, tantativ asasina epi vòl ak zam tou. Se menm akizasyon sa yo tou pou Jar Rodolphe Dodof.

Lapolis avèti ke nèg sa yo danjere epi yo ame.

N ap siyale w nan menm koze avi rechèch la, lapolis mete koukouwouy dèyè kolonbyen Mario Antonio Palacios ki ta yon prezime asasen nan lanmò Jovenel Moïse.

Dekouvri plis:

Fineray jounalis Diego Charles chante jodi madi a nan Jeremi