Kidnapin: Malgre ranson ki bay, fanmi notè Alex Demosthène toujou poko gen nouvel li

Kidnape depi vandredi 21 avril la nan Ri Kazèn nan komin Pòtopwens , notè Alex Démosthènes poko janm kapab  jwenn liberasyon li malgre ranson  fanmi an bay,  sa   gen 9 jou, selon sa yon pwòch notè a fè redaksyon an konnen.

Pwòch la eksplike pwoblèm ak kalamite madanm lan ap pase ki pa konn kisa pou l fè, kidnapè yo di l ke li gen lajan pandan se nan lwaye li ye ak timoun li yo .

Pwòch la kontinye pou l di madanm lan gen 16 jou depi yon san sou li ke l pa janm rete malgre medikaman li pran .

Fas ak tout sitiyasyon sa yo, se moun k ap bay timoun yo manje, yo pa ka ale lekòl, madanm li ak fanmi l pa gen nouvèl li  depi lendi 3 me a ki se dènye jou madanm li te pale ak li.

Fanmi an te getan bay ravisè yo 300 mil dola ayisyen ak 5 mil dola ameriken nan lide notè Alex Démosthènes ap jwenn liberasyon li , yon bagay ki poko janm fèt, malgre sa kidnapè yo toujou ap mande lòt  lajan ankò.

N ap raple w Etid Notaryal yo te kanpe travay vandredi 23 avril pase a, yon fason pou te mande liberasyon notè a.

Dekouvri plis:

Kazèk Wilkens Dicette jwenn liberasyon li kont “ranson” aprè move tretman li fin sibi