Connect with us

Hi, what are you looking for?

People

“#MilkCrateChallenge” èske ayisyen pare pou fè l?

"#MilkCrateChallenge" èske ayisyen pare pou fè l ?

Avèk kesyon rezo sosyal yo dènye tan sa yo, inovasyon vin tout jan, challenge parèt sanzatann. Nouvo defi ki parèt depi kèk jou la se “#MilkCrateChallenge” ki deja fè plizyè moun k al tante leve defi a blese oubyen fraktire.

Kijan defi sa ye?

Sou TikTok, Facebook, estati WhatsApp moun, nou ka remake nan kèk videyo moun k ap leve defi “#MilkCrateChallenge” lan.

Juno7 Pub

Moun yo pran plizyè kès lèt oubyen tou kès bwason gazez, yo ranje yo tankou yon eskalye ki vin ba l yon fòm piramid.

Moun ki swete patisipe nan challenge sa dwe monte eskalye a pou rive nan somè a epi desann li nan lòt bò a.

Plezi ki vin genyen, nan koumanse monte eskalye sa yo ki fèt avèk kès lèt oubyen kès bwason gazez, patisipan an fasil pou l pèdi ekilib epi w sa w tande a tout kès yo gaye epi se wè ou wè w anba.

Risk #MilkCrateChallenge gen ladan l.

Lè kès yo gaye ou tonbe ate sa ka rive ou pran move so. Men w ka kase, pye w se pa pale. Tèt ou ka sibi menm domaj la tou. Sa ki fè anpil moun k ap gad videyo challenge sa yo sou rezo a konsidere l tankou yon challenge estipid ki ka voye moun lopital.

Entènot ayisyen yo koumanse pataje l seryezman

Si se vre redaksyon Juno7 la poko konfime gen ayisyen ki fè challenge sa men nou ka remake anpil entènot ayisyen ki koumanse pran plezi nan pataje videyo. Sa ki ta lèse kèk moun panse gen ayisyen ki pral rantre ladan l paske jan nou renmen di pa bò isit “Ayisyen pa vle wè pou l pa kopye”.

An Ayiti pa vrèman gen lopital. Ti sa k genyen ki bay swen yo dèfwa se tèt nèg. Yon konpatriyòt ki ta kite anvi pote l ale pou rantre nan yon challenge konsa dwe panse ak lopital ki pa an mezi bay swen vrèman, asirans medikal li pa genyen epi vilnerab sistèm sante nou an vilnerab.

Depi w sou rezo sosyal yo w ap toujou jwenn challenge. An 2014 te gen Ice bucket challenge an 2014, dènyeman te gen StayAtHomeChallenge. Kounya se #MilkCrateChallenge ke Kenneth Waddell te vini kòm premye moun ki poste l sou Facebook 13 out ki sot pase a. Depi lè sa Milk crate challenge lan lage.

"#MilkCrateChallenge" èske ayisyen pare pou fè l ?

Dekouvri plis:

Séisme du 14 août: le Pape fait don de 200 000 euros à Haïti

Written By

Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil

Click to comment

Leave a Reply

Votre adresse e-mail ne sera pas publiée. Les champs obligatoires sont indiqués avec *

Plus de contenu