Connect with us

Hi, what are you looking for?

Aktyalite AN KREYÒL

Sektè demokratik la mande pèp la leve kanpe pou fèmen peyi a

7 fevriye - Sektè demokratik la mande pèp la leve kanpe pou fèmen peyi a
Photo : Ody Bien-Eugène | Juno7

Sektè demokratik la mande pèp la leve kanpe pou fèmen peyi a nan lide pou fè respekte konstitisyon an.

Reyisit de (2) jounen grèv sektè sendikal la te lanse a sanble fè opozisyon politik la reprann fòs. Estrikti sa a pwofite okazyon sila a pou l mande pèp la leve kanpe nan kat (4) kwen peyi a nan lide pou fòse prezidan Jovenel Moïse kite pouvwa a paske, daprè sektè demokratik la, manda chèf leta a ap bout 7 fevriye k ap vini la a, jan atik 134-2 manman lwa peyi a rekòmande sa.

Nan yon kominike ki pote siyati anpil aktè nan opozisyon an tankou ansyen senatè Ricard Pierre, ansyen senatè Antonio Cheramy, ansyen senatè Nenel Cassy, ansyen minis Marjory Michel, ansyen majistra Rony Colin, Mèt André Michel; SDP a mande pèp la nan 4 kwen Peyi a leve kanpe pandan l ap itilize tout mwayen ki nan men l.

“Sektè Demokratik la mande chak dirijan,chak militan pou yo kontinye goumen san kanpe pou fòse Jovenel Moïse respekte atik 134-2 konstitisyon an pandan l pran angajman , yon lòt fwa ankò devan Nasyon an, pou l tabli ansanm ak tout lòt aktè ki vle pote kole ak pèp ayisyen an, yon tranzisyon koupe fache ki pral fè pwosè Petwokaribe a ak tout lòt krim finansye yo, pwosè tout masak yo epi k ap òganize yon konferans nasyonal granmoun ki dwe akouche yon lòt Peyi kote lavi ak dwa tout moun respekte”,se sa nou li nan kominike SDP a.

Nan dokiman sa a, sektè demokratik ak popilè a ki pwofite wete chapo l devan angajman anpil sektè nan lavi nasyonal la pran bò kote pèp la nan kad batay l ap mennen pou fè respekte konstitisyon an, voye yon pinga bay kòmandan an chèf Polis Nasyonal la, mesye Léon Charles, pou l fè l konnen opinyon nasyonal ak entenasyonal ap gade l paske kreyon pèp la pa gen gòm.

“Pèp ayisyen, sonje nan tout istwa Peyi a, yo pa janm fè nou okenn kado. Se nan kontinye goumen san pran souf n ap rive rache tout sa nou bezwen pou n viv tankou moun”,daprè kominike sila a.

Dekouvri plis :

Nan fè “ti bèf” moun ka pran maladi daprè dantis Joab Floradin

Written By

Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil

Plus de contenu

Aktyalite AN KREYÒL

Nan yon konferans pou laprès li bay jodi jedi 29 avril 2021 an, nan lokal li nan Dèlma 60, Sektè Demokratik ak Popilè a...

Actualités

“Religions pour la paix” n’a pas l’autorité morale et l’indépendance politique nécessaire pour conduire un quelconque dialogue selon le Secteur Démocratique et Populaire. Port-au-Prince...

Politique

Médiation et négociations: le Secteur Démocratique et Populaire demande à la DIRPOD de prendre ses distances à la démarche de Religion pour la paix...

Actualités

La  Direction Politique de l’Opposition Démocratique  (DIRPOD) annonce trois journées de mobilisation les 28,29 et 30 mars . Depuis des mois les drames s’enchaînent....