Nan kad ekspozisyon/vant k ap dewoule nan “Maison Dufort”, depi 15 janvye pase a, Le Centre d’art nan kad randevou li òganize chak jedi pandan peryòd ekspozisyon sa, te lanse yon djalòg nan lakou Maison Dufort, yè jedi 18 fevriye a, kote asistans lan te gen chans djaloge ak 4 atis ki sot Bèlè ki se Dubréus Lhérisson, David Boyer, Johnny Cinéus ak Max Grégoire Benjamin.
Photo: Richard Pierrin | Juno7
4 atis sa yo ki t ap reponn kesyon Allenby Augustin ki t ap mennen djalòg la sou plato a, te gen chans pale de zèv yo, difikilte yo rankontre nan travay atistik yo epi pale tou sou fenomèn ensekirite ki blayi anndan katye Bèlè depi kèk lane.
Zèv 4 atis sa yo ki se pitit Bèlè fèt ak epeng titèt, glas ak lòt materyèl ki pa twò sou je ki difisil pou moun jwenn. Travay atistik sa yo, atis yo pa ka che yo enspire tou de vodou pou fè travay sa yo.
Apre djalòg sa ki te dire 1 nèd tan ak kèk minit, asistans lan te gen chans ale dekouvri tablo 4 atis sa yo nan espas ki te rezève pou ekspozisyon an anndan Maison Dufort. Moun yo te gen chans fè foto bò kote èv yo, fè videyo epi djaloge.
Aktivite sa ki rele ekspozisyon “RÈL” ap reyalize an patenarya avèk Haïti, le printemps de l’art. Aktivite sa koumanse 15 janvye a l ap bout 27 fevriye k ap vini la. Yè nan kad aktivite a, nou te ka remake prezans madam Duvivier Pierre Louis, ansyèn premyè minis peyi Dayiti sou 2e manda prezidan René Garcia Preval.
Dekouvri plis:
“Non-assistance à poésie en Danger”, yon mouvman powetik Ricardo Boucher lanse
