Yon tranbleman tè 4,7 anrejistre an Repiblik Dominikèn zòn Monte Cristi pwovoke sekous nan depatman Nò ak Nòdès peyi a.
Pwoteksyon Sivil Ayiti a anndan yon twit enfòme popilasyon an sou yon tranbleman tè ki pase nan peyi vwazen an jodi dimanch 31 jiyè a vè midi 37 sou yon manyetid 4,2 a 18 kilomèt Monte Cristi. Moun nan depatman Nò ak Nòdès te resanti li.
Selon pwoteksyon Sivil, pa gen okenn dega ki rapòte pa Biwo Depatmantal Nò ak Nòdès ki se 2 depatman ki kole ak vil dominiken an. Otorite ayisyen yo asire popilasyon an pa gen menas Tsunami tou.
Bò kote otorite dominiken yo, Francisco Arias, Direktè rejyonal defans sivil, fè konnen okenn domaj pa anrejistre pandan pasaj tranbleman an ki touche kèk pwovens nan Montecristi , Santiago Rodríguez ak Dajabón.
Dekouvri plis:
Haïti: le SDP au bord de l’implosion, Marjory Michel appelle au dialogue