Anbasad peyi Kanada an Ayiti nan tèt kole ak « Collectif pour la Promotion des Arts Urbains et de l’Art Contemporain(CPAUAC) bay yon konferans jodi Jedi 3 desanm lan, nan inivèsite Kiskeya, pou lanse senkyèm edisyon Festi Graffiti.
Aktivite sa ap fèt soti 3 pou rive 13 desanm nan Pòtoprens kote tèm yo chwazi pou ane a se « Génération Street Art: Se mobiliser pour le climat ». Òganizatè yo deside sansibilize pou ane a popilasyon ayisyèn lan sou lit kont chanjman klimatik la atravè grafiti ki pral sou mi yo.
Nan sikonstans lan, anbasadè peyi Kanada an Ayiti, Stuart Savage fè konnen peyi l la fyè paske yo se patenè premye plan festival sa epi te tou pwofite remèsye epi salye tout patenè ki deside mache ak festival la.
3 desanm lan ki te tou lansman an te g on atelye sou chanjman klimatik la yo t ap fè pou atis yo. Pou rès jou yo ap gen Master Classe Street Art, edikasyon sou koze touris, vizit gide. “Festi Graffiti” a ap klotire 13 desanm anndan inivèsite Kiskeya se la ke tout aktivite 5è edisyon an pwograme.
N ap note ke plizyè peyi ap patisipe nan festival sa atravè atis yo, pami yo Perou, Suisse, Sendomeng, Meksik, Bèljik, Etazini.
