2 prezime bandi bwè dlo bouch yo nan ri Kapwa, aprè yo te fin friz yon polisye SWAT ki te an sivil epi ap pare pou ale ak moto polisye a ki gen yon koulè ble mak Jingken.
Aksyon sa pase nan Ri Kapwa bò restoran FEF kote 2 endividi (youn ame) friz ajan SWAT sa ki te avèk yon lòt moun epi vire pou ale ak moto polisye a pandan sa k te san zam la te egzije sa k ame a tire SWAT la ak lòt moun ki te akonpaye l la, selon deklarasyon ajan SWAT la.
Pandan prezime bandi sa yo t ap pare pou ale ak moto a, se moman sa yon patwouy polis ki te gen ajan BRI ladan l t ap pase fè katouch pou 2 nèg sa yo epi arive bwè dlo bouch yo.
Apre aksyon sa, jij de pè James Saint-Jean ki soti nan tribinal de pè seksyon Sid fè konsta legal yo. Apre konsta a, idantite 2 endividi ame sa yo revele, youn rele Ricardo Desravines, yo jwenn sou li kat idantifikasyon nasyonal, lisans ak yon badge ki make ajan sekirite “air protégé”, antèt badge sa make Ministè anviwònman/BSAP. Lòt endividi a se Ernst Richardson, yo jwenn sou li lisans.
Nan menm konsta sa, yo jwenn yon zam 380 ki te gen 6 katouch . Konsta revele te gen 2 telefòn. Youn nan nèg yo te gen yon mouchwa ble, lòt la mouchwa wouj. Yo jwenn tou 3 265 goud sou youn.
Dekouvri plis:
Kidnapping : les évêques demandent la fermeture de toutes les écoles catholiques
Apre konsta, jij de pè a òdone pou leve kò prezime bandi sa yo.
