Atis ameriken an Cardi B frape yon fanatik ak yon mikwo paske li voye dlo sou li pandan l ap pèfòme sou sèn.
Atis ameriken an, Cardi B, ki t ap patisipe yè samdi 29 jiyè a, nan yon konsè nan Las Vegas, pa t ezite frape mikwo l t ap chante a sou yon fanatik ki te nan foul la ki voye dlo sou li. Yon videyo ki pataje anpil kote sou rezo sosyal yo.
Selon enfòmasyon yo se yon fanm ki ta fè l sa. Choke, li pa t pran tan pou reyaji nan yon sèn ki te dire kèk segond. Aprè sekirite pwogram lan te desann nan foul la men videyo sa yo ki trè kout sou rezo a pa montre kisa k te gen aprè.
Sou Twitter, anpil fanatik reyaji pou felisite konpòtman Cardi B ki pa t kite aksyon sa pase. Genyen ki kwè li te tan pou atis yo reyaji fas ak move konpòtman kèk fanatik genyen.
N ap raple w konpòtman sa pa sèlman nan koze mizik. Fanatik konn genyen l tou nan estad foutbòl nan voye fatra sou jwè foutbòl yo, flache yo, di yo move mo elatriye.
En savoir plus:
Une infirmière américaine et son enfant enlevés en Haïti depuis le jeudi 27 juillet
