Connect with us

Hi, what are you looking for?

Aktyalite AN KREYÒL

Yon dam fè tèt li pase pou siveyant epi vòlè telefòn elèv nevyèm ane nan lise “des jeunes filles”

Yon dam fè tèt li pase pou siveyant epi vòlè telefòn elèv nevyèm ane nan lise "des jeunes filles"

Yon dam fè tèt li pase pou siveyant, li vòlè telefòn ak lajan elèv nevyèm ane nan lise “du Cent-cinquantenaire” yo rele souvan lise “des jeunes filles”.

Yon dam moun pa rive idantifye fè tèt li pase pou siveyant yè lendi a nan kad premye jounen egzamen nevyèm ane fondamantal yo. Dam sa rantre nan yon sal egzamen, li kanpe devan sal la epi konpòte l kou siveyant, pandan kandida yo ap rantre li fè yo remèt telefòn ak lajan ki te sou yo avan yo rantre nan sal la. Aksyon sa pase nan lise “du cent-cinquantenaire” tout moun konnen sou non lise Jèn Fi.

Olivier Milord ki se responsab sant egzamen an ki t ap pale nan mikwo jounalis fè konnen dam sa te abiye byen pwòp, li twonpe vijilans moun sant lan. Olivier Milord ki responsab pati 2 nan sant egzamen an di li te mande dam sa byen avan li komèt zak sa nan ki pati l ap sive li te di l pati 2 nan sant egzamen an (aile 2). “Pandan timoun yo ap rantre nan sal yo, li di timoun yo li vin ranmase telefòn nan men yo. Li pran telefòn timoun yo nan men yo, li pran lajan yo”, detay direktè sant lan.

Juno7 Pub

Dam sa yo pa rive idantifye non l te chape poul li aprè li fin fè zak sa, se kèk elèv ki pran nan anak dam sa ki te ale plenyen nan direksyon sant egzamen an ki t ap tou okouran zak malonèt sila.

Gen 201 280 elèv ki ap patisipe nan egzamen nevyèm ane yo. Pou elèv Pènye ak Tòsèl ki pa t ka konpoze yè akoz zòn sa yo te gen van panik ki t ap soufle sou yo, y ap kapab refè egzamen yo atravè Sant Pèmanan Evaliyasyon.

Sou tout teritwa a gen 930 egzamen. Depatman Lwès la genyen pou kont li 314 sant.
Jodia elèv yo ap konpoze nan Kominikasyon Kreyòl, Syans Sosyal ak Anglè.

Yon dam fè tèt li pase pou siveyant epi vòlè telefòn elèv nevyèm ane nan lise "des jeunes filles"

Dekouvri plis:

La rentrée des classes est fixée au 5 septembre 2022

Written By

Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil

Click to comment

Leave a Reply

Votre adresse e-mail ne sera pas publiée.

Plus de contenu

Éducation

Début ce 20 juin des examens officiels pour la 9eme année fondamentale, les candidats des Écoles Normales des Instituteurs (ENI), les candidats au Centre...

Éducation

Plus de 200 mille candidats sont attendus aux examens de la 9eme année fondamentale, de l’École normale d’instituteurs (ENI) et du Centre d’éducation familiale...

Éducation

Environ 55 000 élèves ont pris part cette année aux examens de la 6eme année fondamentale, informe le MENFP Le ministère de l’Education nationale...

Éducation

A la suite du tollé autour du calendrier des examens officiels, le ministère de l’éducation nationale apporte des modifications. Dans un communiqué publié ce...