“Dyaman nan Bidonvil”, yon tèks Zafèm sòti nan ekzamen ofisyèl bakaloreya.
Ekzamen ofisyèl bakaloreya fini jodi jedi 3 out 2023 la sou tout teritwa peyi Dayiti. Nan dènye jou ekzamen an, nan matyè kreyòl, ministè edikasyon nasyonal bay yon tèks Zafèm ki sou album li an. Tèks sa rele “Dyaman nan bidonvil”, yon mizik anpil moun renmen.
Tèks sa te sou 30 pwen, responsab MENFP yo poze 6 kesyon sou li kote chak sou 5 pwen. Ekzamen sa te pou elèv SES, SMP ak SVT.
Dyaman nan Bidonvil se yon mizik Zafèm ki sou album Lalin Ak Solèy. Mizik sa dekri anpil richès k ap gaspiye nan peyi a pandan l mete aksan sou timoun nan lari yo ki pa jwenn ankadreman.
N ap raple Nesmy Manigat te deja fè konnen ak elèv yo pou yo pa sezi si yon tèks Zafèm sòti nan ekzamen ofisyèl bakaloreya yo. “SE AN KREYÒL ENÈJI NOU SANBLE !
Pa sezi si yon tèks @zafemmusic sòti nan egzamen ofisyèl literati Kreyòl nan nouvo segondè a nan bakaloreya 2023, menm jan sa deja fèt ak @bictizondife”, li te fè tweet la aprè grand premyè gwoup Zafèm.
Dekouvri plis:
Le Forum d’Anciens Premiers Ministres Haïtiens salue la mémoire de Liliane Pierre Paul
