Connect with us

Hi, what are you looking for?

Aktyalite AN KREYÒL

Fanmi Lavalas kondane kidnapin ki fèt sou Anthony Dessources, yon manb direktwa pati a

Fanmi Lavalas kondane kidnapin ki fèt sou Anthony Dessources, yon manb direktwa pati a

Pati politik Fanmi Lavalas di li kondane krim, masak ak anlèvman k ap fèt kont popilasyon an.

Òganizasyon politik Fanmi Lavalas nan yon nòt li mete deyò fè konnen li kondane ak tout fòs li tout krim, tout masak ak tout kidnapin k ap fèt chak jou sou popilasyon ayisyèn lan kote okenn moun pa epanye. Komite egzekitif pati a soti nòt sa aprè anlèvman ki fin fèt yè samdi 29 oktòb la sou Anthony Dessources ki se manm direktwa pati ak Ronald Germain. Endividi kidnape 2 moun sa yo sou Dèlma pandan yo t ap rann yo nan ayewopò entènasyonal Toussaint Louverture.

«Òganizasyon Politik Fanmi Lavalas ap kontinye kondane ak tout fòs li tout krim, tout masak, tout kidnapin espesyalman kidnaping Agronòm Anthony Dessources, manm Komite Ekzekitif Òganizasyon an, ak Ronald Germain ki fèt jodi samdi 29 oktòb 2022 a», se sa ki ekri nan nòt sa ki pote siyati doktè Maryse Narcisse, Joël Édouard Vorbe ak Jean Myrtho Julien.

Juno7 PUB

Komite egzekitif pati a souliye kantite zak ki fèt pou sèl ti mwa oktòb la pou montre jan viktim yo ap monte pil pa pil fas ak machin ensekirite a ki pa sispann mete dlo nan je. “Soti nan zak asasinay jounalis Gary Tesse nan vil Okay ak tantativ asasina ki fèt tou sou journalis Majik 9, Roberson Alphonse, jodia se asasinay Sekretè Jeneral RDNP a, Eric
Jean-Baptiste nan Laboule. Ak tout fòs nou, Fanmi Lavalas kondane tout krim sa yo san bliye
anpil lòt viktim ki atravè kat kwen peyi a.”

Nan nòt pou laprès sa, pati a voye senpati bay fanmi moun ki tonbe yo pandan l denonse zak sa yo epi mande pou sa chanje. “Se ak anpil doulè nan kè n nap ranmase soufrans paran ak zanmi
viktim yo espesyalman tout fanmi Frè nou, Agr Antony Dessources ak la fanmi Germain. Kondoleyans pou fanmi tout (…) Twòp se twòp. Vle pa vle fòk sa chanje. Vle pa vle fòk ansanm nou chanje sa.”

Fanmi Lavalas kondane kidnapin ki fèt sou Anthony Dessources, yon manb direktwa pati a

Dekouvri plis:

30 octobre 2020 : Jovenel Moïse installe le Comité Consultatif Indépendant (CCI) pour élaborer une nouvelle constitution

Written By

Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil

Click to comment

Leave a Reply

Votre adresse e-mail ne sera pas publiée.

Plus de contenu

Insécurité

Victime de kidnapping, Anthony Dessources remercie tous ceux qui lui ont témoigné de la solidarité Après une semaine passée entre les mains des ravisseurs,...

Aktyalite AN KREYÒL

Fanmi Lavalas fè konnen solisyon peyi Dayiti chita nan men ayisyen pandan li envite aktè politik ak ekonomik yo chita pale. Nan yon nòt...

Insécurité

Le Ministère de l’Éducation Nationale et de la Formation Professionnelle condamne les actes d’enlèvement contre ses sept employés dont le Directeur général de l’ONAPE...

Actualités

34e anniversaire du massacre de Saint-Jean Bosco : Fanmi Lavalas supporte la mobilisation du peuple haïtien À l’occasion de la commémoration du 34e anniversaire...