JO Tokyo: ekip Brezil la chanpyon sou Espay nan koze foutbòl.
Granm bonè maten an ekip Brezil la bat Espay 2-1 aprè pwolongasyon epi ranpòte tit chanpyon jwèt olenmpik (JO Tokyo) nan kategori foutbòl maskilen.
Malgre dominasyon ekip Espay la ki te youn nan favori bò kote Brezil, koyekipye Dani Alves yo te arive louvri eskò a nan (45èm + 2 minit) gras ak Matheus Cunha ki se jwè Hertha Berlin.
Espay ta pral egalize nan dezyèm mitan gras ak Mikel Oryazabal nan 61èm minit.
Eskò a te rete 1-1 ki ta pral mennen match la nan pwolongasyon. Malcom ansyen jwè ekip Bòdo a ta pral bay avantaj la nan 108èm minit epi mete match la 2-1.
Eskò a te rete konsa ki pèmèt brezilyen yo medaye dò yon dezyèm fwa youn dèyè lòt aprè tit yo te pran lakay yo an 2016.
Dekouvri plis
“Un mois plus tard, rien…Toujours rien…”, a déclaré Joverlein Moïse sur Facebook
