Repiblik dominikèn: lapolis arete yon ayisyen 44 lane ki rele Jude Charles paske yo estime li derespekte Luis Abinader sou TikTok.
Jounal Listin Diario rapòte yon ayisyen ki rele Jude Charles ki gen 40 lane jwenn arestasyon l paske li ta manke respè ak figi prezidan dominiken an Luis Abinader sou kont TikTok li ki se @charlesjude17. Fòs lòd yo arete l epi pral voye l bay otorite imigrasyon yo pou swit nesesè.
Daprè medya dominiken an, lapolis arete konpatriyòt ayisyen an nan zòn Santa Lucía ki twouve l nan minisipalite de Las Matas, Santa Cruz. Yo arete l aprè kontwòl ak trasaj kont TikTok li ki te fèt pa ajan direksyon ransèyman nan polis nasyonal dominiken.
Daprè sa ki rapòte, ayisyen an te fè konnen nan pawòl li, Luis Abinader pa merite respè, li ap pwovoke ayisyen. Deklarasyon sa yo fèt poutèt koze kanal la sou Rivyè Masak kote gouvènman dominiken an pran yon pakèt mezi ki kòmanse nan fèmen fwontyè, sispann viza ak ayisyen epi entèdi 9 ayisyen pile teritwa peyi vwazen an.
Ayisyen sa ta sipoze ale nan men otorite direksyon jeneral migrasyon ki ka pimpe l tounen Ayiti pou respè yo estime li manke ak Abinader.
Dekouvri plis:
L’ambassadeur dominicain en Haïti convoqué par le ministère des affaires étrangères
