Luis Abinader entèdi 9 sitwayen ayisyen pami yo Luckner Désir ak Jacques Sauveur Jean pile teritwa l ap dirije a

Kanalizasyon rivyè Masak: prezidan Luis Abinader entèdi 9 sitwayen ayisyen pami yo Louko ak Jacques Sauveur Jean pa rantre an Repiblik dominikèn.

Prezidan dominiken an Luis Abinader pase lòd ak direktè jeneral imigrasyon l Venancio Alcantara Valdez, pou l pa kite 9 sitwayen ayisyen rantre sou teritwa Repiblik dominikèn. Pou chèf Leta dominiken an, moun sa yo se pwovokatè ki ap sipòte kanalizasyon k ap fèt sou rivyè Masak la. Nan lis sa gen Luckner Désir moun konnen sou non Louko, ansyen senatè Jacques Sauveur Jean ak plizyè lòt ankò, selon sa Listin Diario revele.

Lis la gen ladan l:

Louko Désir, jounalis, animatè Maten Deba, Wanique Pierre, ansyen senatè Nòdès; Ardouin Zéphirin, ansyen konseye espesyal Jovenel Moïse; Jacques Sauveur Jean, ansyen senatè Nòdès ki se mizisyen tou; Jeantel Joseph, direktè jeneral BSAP ; Nader Joaceus, ansyen minis TPTC, Jean Baptiste Aimé, ansyen senatè Nòdès epi konsil nan Dajabón; Wideline Pierre, ansyèn direktris depatmantal ministè anviwònman nan Nòdès ak Camel Samson yo akize kòm moun k ap bay lajan pou kanal la fèt.

Jodia Luis Abinader anonse apati demen fwontyè peyi l ak Ayiti ap fèmen apati 6è nan maten. Sa vle di fwontyè terès, maritim ak ayeryèn p ap fonksyonèl pou 2 peyi yo.

Aprè anons sa, plizyè konpatriyòt ayisyen rantre volontèman Ayiti ak fanmi yo kite Repiblik dominikèn.

Dekouvri plis:

Conflit autour de la rivière Massacre : Nènel Cassy demande à la population de se ranger aux côtés des compatriotes de la frontière