![«Il est désormais crucial que le CPT soit formellement nommé par le gouvernement sortant [… ] sans plus attendre», déclare l’UE](https://i0.wp.com/www.juno7.ht/wp-content/uploads/2024/03/Cover.J7-2024-03-10T213054.581.jpg?resize=600%2C337&ssl=1)
Ministè Edikasyon Nasyonal ak Fòmasyon Pwofesyonèl anonse enskripsyon pou premye sesyon egzamen Bakaloreya pou ane 2023 a pou kandida ki echwe yo.
Ministè Edikasyon Nasyonal ak Fòmasyon Pwofesyonèl (MENFP) nan yon nòt li mete deyò anonse l ap òganize premye sesyon egzamen Bakaloreya yo soti 13 pou rive 16 fevriye k ap vini la pou kandida ki te echwe nan eprèv pase yo. Nan sans sa, enskripsyon yo ap koumanse demen lendi 9 janvye a nan tout Direksyon Depatmantal Edikasyon (DDE) yo, y ap fini 27 janvye 2023.
“Ministè Edikasyon Nasyonal ak Fòmasyon Pwofesyonèl (MENFP) enfòme piblik la an jeneral, sitou kominote edikatif la, Sant Pèmanan Evalyasyon an ap òganize premye sesyon egzamen bakaloreya pou ane 2023 pou kandida ki echwe yo, soti 13 pou rive 16 fevriye 2023”, se sa nòt ministè a rapòte.
Nan eksplikasyon MENFP yo, li raple ak kandida echwe yo, yo pral konpoze nan matyè yo pa t fè nòt yo pandan l pote presizyon pou l di: “Kandida sila yo pral konpoze senpman nan matyè yo pat fè mwayèn yo (nòt ki anrejistre nan baz done BUNEXE la) pou yon peryòd de (2) lane apre evalyasyon an. Apre tan sila a, Kandida yo oblije konpoze nan tout matyè yo si yo pat janm pase.”
Tout kandida ki swete ale rekonpoze kapab fè sa nan tout Direksyon Depatmantal Edikasyon yo soti 9 pou 27 janvye. Y ap gen pou mache ak: Fich patisipasyon nan dènye egzamen yo oubyen yon atestasyon relve MENFP ; De (2) foto idantite ; Frè patisipasyon de mil (2 000) goud pou chak kandida.
Egzamen sa yo se Sant Pèmanan Evalyasyon ki jere yo. Se yon Dekrè ministeryèl ki te kreye Sant Pèmanan Evalyasyon, ki siyen pa Minis Nesmy MANIGAT, e ki te pibliye nan dat 2 jen 2022.
En savoir plus:
Nesmy Manigat et Ignace Saint-fleur ont visité le chantier de construction du lycée Marie Jeanne
