MENFP retire pèmi anseye Philippe Decossard poutèt akizasyon vyòl sou yon elèv li

Ministè Edikasyon Nasyonal ak Fòmasyon Pwofesyonèl retire pwovizwaman pèmi anseye Philippe Decossard poutèt akizasyon vyòl sou elèv li.

Ministè Edikasyon Nasyonal (MENFP) nan yon nòt li mete deyò jodi vandredi 16 jen an, anonse li retire pwovizwaman pèmi anseye Philippe Decossard paske lajistis arete l pou akizasyon vyòl sou yon elèv li nan yon lekòl nan Dichiti, depatman Grandans.

“Ministè Edikasyon Nasyonal ak Fòmasyon Pwofesyonèl pran desizyon pou retire pwovizwaman Pèmi anseye Philippe Decossard poutèt lajistis arete l pou akizasyon vyòl sou yon ti jenn fi minè ki se elèv li nan yon lekòl nan komin Dichiti, nan depatman Grandans”, se sa ki ekri nan nòt la.

Otorite MENFP yo fè konnen desizyon sa pran pou ret tann lajistis trete dosye a ak bay santans li nan ka sa a.

Ministè Edikasyon Nasyonal tou pwofite raple ak ajan edikatif yo pou kontinye sansibilize sou aplikasyon kòd konduit la nan lekòl yo.

MENFP fè konnen dwa timoun yo dwe pwoteje ak Diyite anndan lekòl yo epi souliye se responsabilite chak ajan edikatif.

En savoir plus:

Aucune autorisation n’a été accordée pour l’installation en RD d’un bureau de coordination de l’aide à la sécurité en faveur d’Haïti