Kidnape samdi swa, jèn antreprenè Mike Bellot, jwenn liberasyon l jodi lendi 18 janvye 2020 an.
Nouvèl sa konfime pa ekonimis Etzer Émile anndan yon twit. Se li menm ki te rapòte tou ka kidnapin sa ki te fèt sou antreprenè a.
Toutfwa, ekonimis Etzer Émile fè konnen malgre liberasyon Mike Bellot, sitin ki anonse pou demen devan rezidans ofisyèl premye minis lan ap toujou fèt kont tout fòm ensekirite ak kidnapin.
Liberasyon sa vini apre leve kanpe ki te genyen sou rezo a pou mande libere antreprenè a ki kreye valiz pano solè ki pote non “Solo Bag”.
