Connect with us

Hi, what are you looking for?

Culture

Rozo G ap pale de nouvo mizik li fè ak Rayy Raymond an

Rozo G ap pale de nouvo mizik li fè ak Rayy Raymond an

Rozo G ki se yon jèn atis te rankontre ak redaksyon Juno7 la pou pale de tèt li, de pwojè li gen k ap vini epi pale de nouvo mizik li an ki rele “Si w swiv mwen” ke l chante ak Rayy Raymond. Mizik sa gen anviwon 49 mil vyou sou YouTube apre yon mwa ke l soti. An n li entegralite entèvyou a

Juno7: Pale nou kiyès ki Rozo G a?

Rozo G: Rozo G se Sony Moïse, mwen se yon jèn leyoganè, enfòmatisyen, reyalizatè videyo, etidyan 3 èm ane nan diplomatik, rapè, powèt, epi papa yon bèl pitit gason Ki rele Ariel.

Juno7: Kote non Rozo G a soti?

Rozo G: Non Rozo a se gran mè mwen ki te ban m li paske m te malad anpil yo t panse m t ap mouri epi m sove yo di m se Wozo mwen pliye mwen pa kase mwen leve a non an m just ekri k ak R epi m mete G a pou deziye Gran.

Advertisement. Scroll to continue reading.

Juno7: Depi kilè w ap fè mizik? Sa k te pouse w anbrase domèn sa?

Rozo G: M ap fè mizik depi 2005, se te pasyon m pou pwezi Ki premye rezon ki fè m chwazi fè mizik paske m fè etid segondè mwen Lycée Antenor Firmin m te abitye a ekri pwezi, enprime yo al vann nan lòt lekòl e lè mwen kanpe nan klas yo ap deklame pwezi yo m te santi yon fyète alòs mwen di m ap lanse m nan mizik paske m renmen fè moun tande m.

Juno7: F on ti pale nou de mizik “siw swiv mwen”

Rozo G: Si w swiv mwen se fason mwen chwazi pou m pale de lanmou jan li ye a paske anpil fwa sijè lanmou yo limite a ban m men w m ap fè bonè w ou p ap janm kriye si w ban m on chans, kite m mennen w kote tristès pa egziste. Men nan si w swiv mwen tèks la rakonte si w ban m yon chans w ap souri men pafwa tou w ap kriye, ap gen eprèv men n ap simonte yo ansanm paske yon moun ki ofri w kè kontan selman nan manti ou met kwè m. Donk si w swiv mwen c lanmou nan vrè fòm li.

Juno7: Poukisa se chwa Rayy Raymond pou feat bò kote w?

Rozo G: Mwen te chwazi Rayy pou 2 rezon premye a Paske m renmen vayb li a e dezyèm nan paske manager li a ki te Olivier Jimmy se te kondisip mwen, jwenn li te parèt pi fasil pou mwen epi mwen te vle se Oh sound studio ki prodwi mizik la.

Juno7: Kijan feedback mizik sa ye apre yon mwa videyo a soti?

Rozo G: Feedback la pozitif jiskaprezan menm si onètman mwen te swete li fè plis siksè, men mwen satisfè e mwen di se yon klasik yon mizik k ap la pou tout tan moun yo selman bezwen ti tan pou apresye l.

Advertisement. Scroll to continue reading.

Juno7: Si yon moun vle klase Rozo G nan ki rejis li dwe mete l. Atis konpa, zook, rapè….

Rozo G: Rapè

Juno7: Ki pwochen pwojè w?

Rozo G: Mizik a tout video, youn feat Andy Beatz kap tou anonse yon EP m ap soti byento.

Juno7: Ki jan w konprann mache mizikal ayisyen an?

Rozo G: M panse entènèt la jwe yon gwo wòl menm si anpil moun ap mal itilize l e mwen remake biznis lan vin a la fwa senp e konplike paske mizik yo manke vann e atis yo manke jwenn valè ak enpotans yo merite.

Juno7: Yon mesaj pou n fèmen entèvyou a.

Rozo G: M swete tout atis yo konsyan ke mizik la ka ede nan edikasyon Jenn yo e ke yo se modèl anpil moun si yo fè yon move chwa konsekans lan pa pou yo sèlman pske gen moun K ap reprodwi chak sa yo fè epi mwen pwomèt anpil chanjman nan tèks mwen yo ak fason m ap trete sijè yo. Mesi Juno7 pou opòtinite sa.

Advertisement. Scroll to continue reading.

Dekouvri plis:

Drapo peyi a tèt anba: Ministè touris soti yon nòt pou pote eskiz

Advertisement. Scroll to continue reading.
Written By

Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil

Click to comment

Leave a Reply

Votre adresse e-mail ne sera pas publiée. Les champs obligatoires sont indiqués avec *

Plus de contenu