Dèlma 7: yon bonbòn gaz ki eksploze lakoz plizyè kay boule

Dèlma 7: yon bonbòn gaz ki eksploze lakoz yon atelye ebenis ak plizyè kay boule.

Yon bonbòn gaz ki eklate nan zòn Dèlma 7 tou prè Club 7, lakoz yon dizèn kay ak yon atelye ebenis boule jodi dimanch 30 janvye 2022 a. Aksyon sa pase bò 3 è 30 nan laprèmidi kote anpil fanmi pèdi afè yo men pa gen moun ki mouri, selon sa repòtè Juno7 arive konfime. 

Yon sitwayen zòn lan ki t ap pale ak jounal la fè konnen se yon fou moun yo fin fè manje nan kay kote atelye ebenis lan ye a epi aprè eklatman dife a fèt. Sitwayen sa pa an mezi di kijan sa fè fèt paske li pa t la nan kay kote dife a eklate a, li se senpman vwazen kay moun kote aksyon an pase a. 

Dife sa te pwopaje anpil malgre moun yo te pote sipò yo pou limite dega yo. Sa pa anpeche kay kote atelye a te ye a brile epi lokatè yo pèdi tout bagay yo paske espas la se yon kote kay yo kole chak grenn fanmi ap viv nan yon chanm  ki ta lakoz plizyè chanm boule ki fè moun yo pèdi tout afè yo.

Lapolis Dèlma ak Pompye Dèlma te arive sou plas pou metrize dife sa men sa pa t anpeche moun yo pèdi afè yo aprè eksplozyon sa.

En savoir plus:

Accord Montana: Fritz Alphonse Jean et Steven Benoît élus président et PM de la transition