Connect with us

Hi, what are you looking for?

Actualités

Doktè Hans David Télémaque libere, anpil lajwa bò kote pwòch li yo

Kidnapè yo mande yon gwo sòm pou libere Doktè David Télémaque kap touche 9 mil goud

Kidnape yè samdi a devan lopial jeneral, doktè Hans David Télémaque apèn jwenn liberasyon l jodi dimanch 29 novanm lan. Sal redaksyon Juno7 te konfime sa atravè yon repòtè nou ki te rive sou plas kèk minit apre liberasyon an.

Byen avan liberasyon li, entènot yo sou rezo sosyo a te mobilize pou egzije liberasyon doktè a. Yon mobilizasyon ki te rapousib sou beton an kote anpil doktè parèy li te manifeste pou egzije liberasyon l san kondisyon.

N ap raple w kidnapè yo te mande 50 mil dola ameriken ak 200 mil dola ayisyen pou te ka lage doktè a. Nan pale nou ak youn nan pwòch fanmi medsen an, li fè nou konnen li pa an mezi di nou si fanmi an te bay kòb paske li pa t nan negosiyasyon yo. Nou pa t an mezi kapab pale ak Hans David tèlman te gen anpil moun ki te kouvri l pou eksprime kontantman yo.

Pou kounya pandan n ap ekri atik sa se kè kontan nan Bwa Vèna, zòn ri rigo selon sa repòtè nou ki te rive sou plas rapòte ak redaksyon an kote fanmi ak zanmi t al chache medsen Télémaque nan avni Kristòf, premye kote l te ateri lè yo fèk relache l epi pwòch li yo monte a pye ak li sou Bwa Vèna akonpaye ak bann rara pou l ka ale repoze.

Vwazen ak zanmi doktè Hans David Telemaque fè konnen y ap leve barikad yo epi netwaye lari a apati demen maten.

Liberasyon sa vini touswit apre plizyè lopital te soti nòt pou anonse y ap fèmen pòt yo apati demen pou te egzije liberasyon doktè Hans David Télémaque san kondisyon.

Dekouvri plis :

Ayiti : Rezime aktyalite yo soti 22 pou rive 27 novanm 2020

Written By

Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil

Plus de contenu

Insécurité

Anviwon 15 nèg ak zam rantre maten lendi 12 avril la, nan òfelina “Chanje Lakay”, ki twouve l nan komin Kwadèboukè, epi vyole 2...

Insécurité

Le Ministère des Cultes condamne l’enlèvement suivi de la séquestration des sept religieux par le gang 400 mawozo, dimanche 11 avril, dans la commune...

Actualités

L’Eglise catholique en Haïti exige la libération des 10 personnes enlevées dont les cinq prêtes et les deux religieuses Les responsables de l’Eglise catholique...

Insécurité

5 prêtres, 2 religieuses et 2 autres personnes kidnappés par le gang 400 mawozo. C’est la deuxième fois en ce mois d’avril que des...