Zlatan Ibrahimovic, ansyen jwè seleksyon syedwàz la fè kado chak jwè ekip foutbòl Milan AC a, klèb kote l ap evolye, yon nouvo PS5 ki pa gen lontan li soti.
Yon jès ke anpil koyekipye foutbolè a apresye. Anpil nan yo sou paj IG yo remèsye ansyen jwè PSG a pou jès sa.
Selon kèk sit ak paj Facebook ki konsakre ak pataje enfo sou klèb Milan an fè konnen Zlatan ofri PS5 lan ak patizan li yo pou felisite yo pou bèl debi sezon yo ap fè ak Milan AC aktyèlman.
Nan chanpyona italyen an, Milan gen 17 pwen apre 7 jounen kote li fè 5 viktwa, 2 nil, 0 defèt epi okipe premye plas la. Yo make 16 gòl epi yo pran 7. Nan 16 gòl sa yo, Zlatan make 8 epi okipe 1e plas nan klasman pi bon bitè yo.
N ap raple w Zlatan plis renmen Xbox, li te menm anbasadè l an Frans, an 2013. Li deside bay koyekipye l yo PS5 ki trè ra sou mache a kote vèsyon klasik la koute 499 ewo sou kontinan ewopeyen an.
