Connect with us

Hi, what are you looking for?

Aktyalite AN KREYÒL

Klima tansyon an ap pèsiste nan plizyè katye nan rejyon metwopolitèn lan

Klima tansyon an ap pèsiste nan plizyè katye nan rejyon metwopolitèn lan

Klima tansyon an toujou ap pèsiste nan plizyè zòn nan rejyon metwopolitèn lan.

Sitiyasyon k ap devlope depi jedi 18 janvye 2024 a nan plizyè zòn nan rejyon metwopolitèn lan ap kontinye. Nan avni John Brown, repòtè nou toujou remake kawotchou k ap boule sou wout la, sa ki bloke trafik la nèt. Menm sitiyasyon an sou Nazon, Klèsin, Dèlma 24, 32 ak 40B.

Nan Clercine, ki pa lwen baz Brigad Entèvansyon Motorize a, moun yo pa rive idantifye te voye gaz lakrimojèn, sa ki te kreye yon van panik nan zòn nan. Sou Boulva 15 oktòb la, yon sous konfime pou Juno7 ke moun te entimide komèsan yo nan fòse yo kite zòn nan. Sous nou an te konfime tou ke nan Klèsin 22, moun ki gen gwo zam te bloke trafik la.

Konsènan reyaksyon, yon sitwayen ki abite nan Solino konfime ke manm gwoup gang Bèlè a ki dirije pa Kempès Sanon kontinye atak kont zòn nan. “Si sitiyasyon an pa pi mal pou jounen jodi a, se gras a efò polisye yo ki abite nan zòn nan”, li souliye pandan li kritike otorite gouvènman an plas yo ki pa di yon mo.

Yon lòt rezidan nou kontakte presize ke li abandone kay li depi Mèkredi 17 janvye nan aswè. “Mwen te reziste anpil men mwen gen yon fanmi sou responsablite mwen e mwen dwe pwoteje manm yo nan fanmi sa a” se sa li te deklare ak anpil tristès. Li enfòme ke malfra yo tou mete dife nan kay li a Jedi nan maten an. “Yo boule senk ane efò mwen.”

Fòk nou note ke pandan n ap ekri atik sa a, gwo kout zam te kontinye ap chante nan Solino, Dèlma 24, 22, Kafou Péan. Devan sitiyasyon tansyon sa a, sitwayen yo te oblije pran refij pa lwen kote yo te jwenn kadav Evelyne Sincère sou wout Nazon an.

Klima tansyon an ap pèsiste nan plizyè katye nan rejyon metwopolitèn lan

Dekouvri plis:

Un “lock-down” se dessine au centre-ville de Port-au-Prince

Click to comment

Laisser un commentaire

Plus de contenu

Monde

Volée il y a plus de 30 ans, une statue du pharaon Ramsès II va être restituée à l’Egypte C’est un retour au pays...

Actualités

La Mairie du Cap-Haïtien demande aux déplacés de Port-au-Prince et d’autres régions du pays de venir s’enregistrer La présidente de la commission communale du...

Actualités

La cheffe du BINUH, Maria Isabel Salvador a invité la communauté internationale à être solidaire avec Haïti Le lundi 22 avril 2024, lors d’un...

Économie

Le taux de référence calculé par la BRH pour ce mardi 23 Avril 2024 est de 132,18 gourdes pour un dollar américain. Ce taux...