Nan yon videyo k ap sikile aprèmidi a sou rezo sosyal yo montre endividi ki rantre sou chè yon legliz kidnape yon pastè ak 2 lòt fidèl legliz sa ki t ap chante adorasyon pou Bondye.
Daprè dènye enfo yo ke jounalis Karayib FM lan, Luckson Saint-Vil, konfime sou paj li, aksyon sa pase nan legliz Galaad, ki twouve l nan Dikini. Non pastè a se Audalus Estimé epi Welmyr Jean Pierre yo kidnape tou ki se mayestwo gwoup Gospel Kreyòl.
Anndan videyo sa nou kapab wè pastè a ak 2 fidèl ki t ap chante, touswit aprè vin gen yon enkyetid, pastè ak 2 fidèl yo t ap chache abrite yo epi yon endividi ame monte chè a, rale pastè a ak 2 fidèl legliz la li ale ak yo.
Aksyon sa pase pandan legliz la te live, apre aksyon an kamera ki te live te rete ouvè epi fikse chè legliz la kote sèn lan t ap dewoule a.
Dekouvri plis:
Sektè Demokratik la fikse pozisyon l sou koze eleksyon Depatman Deta ap klewonnen an
