Tanpèt twopikal Franklin ap deplase nan direksyon lanmè Karayib la, otorite yo toujou kenbe alèt jòn sou Ayiti.
Nan yon nòt Direksyon Pwoteksyon Sivil mete deyò jodi madi 22 dawout la, li fè konnen selon dènye previzyon yo Tanpèt twopikal FRANKLIN ap deplase nan direksyon Lanmè Karayib la. Pou kounya, li lokalize nan zòn Sid Santo Domingo. Posiblite pou l rive sou kot Nò Ayiti apati demen mèkredi a. Rezon sa fè otorite yo toujou kenbe alèt vijilans jòn sou tout peyi Dayiti.
“Selon dènye previzyon yo, tanpèt FRANKLIN ap travèse rejyon Sid la jounen mèkredi a. Sou pasaj li, tanpèt twopikal FRANKLIN ap charye gwo van ak lapli sou tout peyi a”, se sa otorite Pwoteksyon Sivil yo fè konnen nan nòt sa.
Pasaj tanpèt sa fè Pwoteksyon Sivil ak Inite Idwometeyowolojik toujou kenbe alèt vijilans jòn sou tout peyi a akoz risk inondasyon ak glisman teren ki ka frape plizyè depatman.
Otorite yo mande popilasyon an Kontinye koute bilten meteyo yo, ansanm ak tout enfòmasyon ofisyèl medya ak enstitisyon yo ap pataje, evite antre nan fon lanmè, fè rezèv manje ak materyèl enpòtan, evite ale bò dlo ak tèt mòn pandan tanpèt twopikal la ap pase.
En savoir plus:
Le taux de référence calculé par la BRH pour ce mardi 22 Août 2023
