Akademi Kreyòl Ayisyen ap rekrite etidyan finisan nan FLA ak FDSE

Akademi Kreyòl Ayisyen  ap rekrite etidyan finisan nan Fakilte Lengwistik Aplike ak Fakilte Dwa ak Syans Ekonomik 

Nan yon nòt li mete deyò, Akademi Kreyòl Ayisyen (AKA) lanse pwosesis rekritman pou etidyan finisan nan Fakilte Lengwistik Aplike (FLA) ak Fakilte Dwa ak Syans Ekonomik (FDSE). Etidyan y ap gen pou chwazi atravè pwosesis rekritman an, ap jwe wòl «asistan editoryal» nan kad elaborasyon yon diksyonè tèminoloji jiridik. 

Yon kandida ki vle patisipe dwe respekte kritè sa yo: bay prèv li se etidyan finisan (ki nan dènye fòmasyon oubyen ki konplete pwogram etid li nan 2 fakilte UEH sa yo), gen abilite pou travay ak lojisyèl «Microsoft office», word, Excel ak PowerPoint epi gen konesans nan lòt domèn syans imèn. 

Met sou sa ki mansyone pi wo yo, kandida yo dwe bay pyès sa tou selon sa k ekri nan nòt la: Yon lèt motivasyon, yon CV, yon lèt rekòmandasyon ki siyen pa yon otorite akademik, fotokopi dokiman tankou atestasyon, diplòm ak sètifika ki pwouve pwofil kandida a satisfè egzijan Akademi Kreyòl Ayisyen an.

Dat limit pou kandida yo depoze pyès yo se mèkredi 27 avril k ap vini la. Yo dwe fè sa avan 3 è nan aprèmidi nan biwo pwovizwa AKA a ki twouve l nan 31 Ri Babyòl Lokal Fany Villa.

Dekouvri plis:

Ce samedi un “HALO Lunaire” a été observé dans le ciel.