Psychoraaap se non yon jèn rapè ayisyen ki soti yon nouvo mizik ak tout videyo ki rele “Zanmi“. Jèn sa atis sa ki gen pou bon non Darryll Jean-Baptiste ap viv Massachusetts, te pale ak redaksyon Juno 7 sou mizik la, lavi l, modèl li nan rap, pwojè li genyen. An n li ansanm
Juno7: Prezante nou kiyès ki Psychoraaap la, kote l soti, ki bon non l?
Psychoraaap se yon jèn rapè ayisyen k ap evolye Massachussets. Li se yon enjenyè son, yon powèt. Li fèt 22 aout 1996, li grandi Dèlma 31. Bon nom mwen se Darryll Jean-Baptiste.
Juno7: Kote non Psychoraaap la soti?
Psychoraaap: Se epòk BBM, lè m ap tande mizik, li toujou parèt sou estatim epi yon bon jou nan yon gwoup tchat, g on moun ki di yow Darryll ou toujou ap tande rap wi man Alcool lè dj ekri ah misye s on Psycho rap li menm epui boom non an tou rete.
Juno7:Depi kilè ou nan mizik?
Psychoraaap: Mwen te koumansse nan mizik kòm dj m ka di depui 12,13 an, men mwen koumansse rap a 16 17 an.
Juno7: Pale nou nouvo mizik ou a ki titre “Zanmi”
Psychoraaap: ZANMI se youn nan mizik mwen fè ke m satisfè de li anpil paske li jwe sou karaktè pèsonèl mwen. Mizik pa t sèlman fèt pou blag. so mizik sa m son nèg ki alèz ak tout moun depi w montre m vrè figi w. Ou pa oblije gen menm tanperaman ak yon moun pou w zanmil…. s on bagay m toujou ap di avèk eksepsyon kanmèm.
Juno7: Sa k pouse w fè yon mizik konsa?
Psycho: gen 2 rezon ki te pouse m fè mizik sa:
1e rezon an se paske mwen te vle pale de tout tip zanmi majorite nan nou genyen. 2èm rezon se jis paske m vle moun konprann ke se pa paske moun nan pa pafè ki fè l pa ka zanmi w.
Juno7: Nan ki rejis pou yo klase w èske ou se rapè, chantè konpa elatriye? Epi ki stil mizik ou chante plis èske se mizik lanmou, sosyal, showbiz?
Psychoraaap: Mwen klasifye m kòm rapè. mwen fè plis trap ke lòt bagay, men mwen gen mizik nan tout stil. Mwen pa limite enspirasyon m ak talan m.
Juno7: Kiyès ou pran kòm modèl nan sektè a?
Psychoraaap: K-Lib , 47.
Juno7: Konbyen mizik ou gen deja nan repètwa ou?
Psychoraaap: M ka di mwen gen 30 mizik deyò epi yon 20 ki poko soti.
Juno7: Ki nouvo pwojè ou genyen aprè zanmi an?
Psychoraaap: Apre zanmi an, m konte prezante yon mixtape k ap rele INTRO k ap trè enteresan.
Juno7: Yon mesaj pou n fèmen entèvyou a?
Psycho: KWÈ NAN TÈT OU. NO MATTER WHAT.
Dekouvri plis:
Yon lòt fwa ankò liseyen yo pran lari pou egzije pwofesè nan sal klas yo
