Connect with us

Hi, what are you looking for?

Société

Kolektif Fanm Angaje pou Ayiti separe soup joumou nan plizyè komin nan okazyon fèt endepandans peyi a

Kolektif Fanm Angaje pou Ayiti separe soup joumou nan plizyè komin nan okazyon fèt endepandans peyi a
Photo: Ody Bien-Eugène | Juno7

Kolektif Fanm Angaje pou Ayiti separe soup joumou nan plizyè komin nan okazyon fèt endepandans peyi a

Nan okazyon premye komemorasyon 219vyèm anivèsè endepandans peyi Ayiti, Kolektif Fanm Angaje pou Ayiti separe soup joumou nan plizyè katye nan peyi a ladan yo Chanmas, Petyonvil, Delmas, elatriye. Se dezyèm edisyon inisyativ sa, dapre yon responsab òganizasyon sila.

Pandan otorite gouvènman an tap òganize seremoni ofisyèl pou selebre 219 lane endepandans peyi Ayiti sou Chanmas, jounen dimanch premye janvye a, Kolektif Fanm Angaje pou Ayiti, ki rasanble plis pase 75 òganizasyon, t ap separe sou bò pa l soup joumou bay plizyè santèn sitwayen tout kategori sou Plas Konstitisyon an. Se dezyèm fwa apre 2021 Kolektif Fanm Angaje pou Ayiti òganize fòm aktivite, dapre Yveline Antenor, kowòdonatris adjwen platfòm sila.

Juno7 PUB
Kolektif Fanm Angaje pou Ayiti separe soup joumou nan plizyè komin nan okazyon fèt endepandans peyi a

Photo: Ody Bien-Eugène | Juno7

« Nou vini la maten an pou nou di moun yo wi nou konnen gen anpil pwoblèm men fòk nou mete tèt nou ansanm. Se nan linyon, nan dyalòg, se nan renmen youn pou lòt zansèt nou yo te ban nou premye janvye. Se pou sa nou batize jounen sa « jounen soup joumou Claire-Heureuse », madam Antenor deklare nan mikwo laprès.

Pou eksplike orijin lajan ki mobilize pou aktivite sila, Yveline Antenor an souliye Kolektif Fanm Angaje pou Ayiti gen anviwon 75 òganizasyon fanm ki kontribye. Responsab la fè konnen aktivite pa fèt sèlman sou Chanmas men tou nan Petyonvil, Delma ak “Plaine du Nord”.

Pi lwen, responsab òganizasyon an envite tout Ayisyen pou yo chita pale pou rezoud pwoblèm k ap sakaje bil peyi a. « Jou nou dakò chita ansanm, tout bagay posib. Toutan nou pa chita ansanm pou nou pale, malgre divèjans, ane 2023 kapab pi rèd », militan an avèti.

Juno7 PUB

N ap raple Kolektif Fanm Angaje pou Ayiti ki gen pou kowòdonatris jeneral ansyen minis kondisyon fanm ak dwa fanm Marjory Michel te deja distribye plizyè santèn kit manje bay fanm ki soti nan kèk katye defavorize jou ki te 31 desanm 2022 a. Òganizasyon an te separe jwèt bay anpil ti fi ak ti gason tou, dapre Yveline Antenor.

Kolektif Fanm Angaje pou Ayiti separe soup joumou nan plizyè komin nan okazyon fèt endepandans peyi a

Photo: Ody Bien-Eugène | Juno7

En savoir plus:

Des personnalités internationales et quelques chefs d’Etat lancent un appel urgent en faveur d’Haïti

Juno7 PUB
Written By

Click to comment

Leave a Reply

Votre adresse e-mail ne sera pas publiée. Les champs obligatoires sont indiqués avec *

Plus de contenu

Société

 Des organisations féminines dont le Collectif Catherine Flon, Fanm Reveye et Fanm Angaje Pou Ayiti apportent leur solidarité aux parents à l’occasion de la...

Culture

 La nouvelle est tombée environ deux semaines avant la célébration de la fête de l’indépendance de la première République noire du monde : Haïti. Cette...

Monde

 La Soup joumou d’Haïti rentre désormais dans le patrimoine immatériel de l’humanité à la suite d’une décision de l’UNESCO. La grande mobilisation de la...

Actualités

 UNESCO : La “soup Joumou” d’Haïti en passe d’intégrer officiellement le Patrimoine culturel immatériel de l’Humanité Deux mois après que le ministre de la...