Connect with us

Hi, what are you looking for?

Aktyalite AN KREYÒL

Lapolis anonse operasyon distribisyon gaz la kòmanse nan Tèminal Vare

Lapolis anonse operasyon distribisyon gaz la kòmanse nan Tèminal Vare

Polis Nasyonal Dayiti anonse operasyon distribisyon gaz la kòmanse nan Tèminal Vare.

Nan yon nòt Biwo Kowòdinasyon près ak relasyon piblik lapolis la met deyò, li fè konnen operasyon distribisyon gaz la kòmanse nan Tèminal Vare kote gen plizyè kamyon sitèn ki kite espas la sou eskòt polisye pou kapab ale ranpli ponp yo nan jou k ap vini la yo.

“Jan li te pran angajman, Lapolis Nasyonal kòmanse fasilite operasyon distribisyon gaz la nan nivo Tèminal Vare jodi madi 8 novanm nan. Gen plizyè tankè gaz ki rive sòti sou gwo eskòt polisyè pou ale ranpli ponp yo ki dwe demare distribisyon yo bay konsomatè yo nan jou kap vini yo”, se sa ki ekri nan kominike pou laprès sa.

Juno7 PUB

Lapolis fè konnen rezilta sa rive posib gras ak batay inite li yo mennen anfas nèg ak zam ki panse yo te ka toujou bloke zòn Vare a. “Gras ak nouvo blennde Leta ayisyen te kòmande epi ki vin ranfòse kapasite operasyonèl inite espesyalize tankou SWAT, UTAG, UDMO, CIMO, BOID lapolis rive repran kontwòl espas sa.”

Inite anjen lou nan lapolis la pandan operasyon yo rive bouche gwo twou endividi yo te fè pou anpeche gaz la pase, daprè sa k di nan kominike a. “Lapolis te detwi konplètman traktè sa bandi yo te konn itilize pou sa epi operatè ki te konn kondwi l la mouri nan echanj kout zam pandan operasyon yo”, daprè sa kominike endike.

PNH la rasire l ap kontinye konsolide prezans li nan perimèt Vare a pou anpeche bandi pran kontwòl espas estratejik sa pandan l pwofite mande kolaborasyon chak grenn moun nan mitan popilasyon an.

N ap raple ministè komès anonse ponp yo ap resevwa gaz 9, 10 ak 11 epi l ap disponib pou konsomatè yo samdi 12 novanm k ap vini la.

Lapolis anonse operasyon distribisyon gaz la kòmanse nan Tèminal Vare

Dekouvri plis:

57e anniversaire de l’ONA : le DG Jemley Jean-Baptiste entend continuer à moderniser et renforcer l’institution

Written By

Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil

Click to comment

Leave a Reply

Votre adresse e-mail ne sera pas publiée.

Plus de contenu

Sécurité

Des membres du gang de Savien mis en déroute sur la route nationale #1 à Pont-Sondé. La Direction départementale de la police de l’Artibonite...

Actualités

146 camions-citernes ont été chargés au centre de stockage pétrolier de WINECO les 5 et 6 décembre 2022. Le terminal Varreux poursuit sa distribution...

Actualités

La rareté de carburant se fait à nouveau sentir sur le marché alors que 503 camions-citernes ont été chargés en 6 jours au centre...

Sécurité

La Police nationale d’Haïti procède à l’arrestation de deux membres du gang de Vitelhomme Innocent. Le Bureau de la Coordination de presse et des...