Connect with us

Hi, what are you looking for?

Insécurité

Naïza Fadianie kidnape depi madi, ravisè yo bay fanmi l yon “ultimatum” midi jodia pou yo jwenn lajan an

Naïza Fadianie kidnape depi madi, ravisè yo bay fanmi l yon "ultimatum" midi jodia pou yo jwenn lajan an

Naïza Fadianie Saint Germain kidnape depi madi, ravisè yo bay fanmi l yon “ultimatum” midi jodi jedi a pou yo jwenn lajan an.

Naïza Fadianie Saint Germain se non jèn fi sa, endividi moun pa rive idantifye kidnape madi 24 out 2021 an pandan l t ap rantre lakay li, selon sa yon pwòch li ke redaksyon jounal la pale ak li fè konnen.

Aksyon sa pase madi swa zòn Santo 17 nan Lilavwa pandan li t ap rantre lakay li. Depi jou sa, fanmi an pa pale dirèkteman ak Naïza Fadianie Saint Germain, se ravisè yo ki pale ak fanmi an, yo jis di moun yo ke l byen, selon detay pwòch sa ak Juno7.

Juno7 Pub

Lè nou te mande konbyen kòb kidnapè yo mande pou libere demwazèl la, pwòch sa pa t an mezi di paske paran yo pa vle kominike montan lajan ravisè yo mande a.

Toutfwa, ravisè sa yo bay yon ultimatum ak fanmi an pou jodia a midi pou yo jwenn lajan yo mande a. Yon ultimatum ki mete enkyetid lakay fanmi Naïza Fadianie Saint Germain paske yo pa konn sa k dèyè tèt ravisè yo.

Pwòch sa ki t ap pale ak redaksyon Juno7 la mande liberasyon Naïza Fadianie Saint Germain.

Naïza Fadianie Saint Germain se yon jèn demwazèl anpil moun konnen nan sektè kiltirèl ayisyen an. Li kolabore ak kèk konfrè jounalis nan envite yo vin kouvri aktivite kiltirèl lè l ap jwe wòl atached Près pou kèk enstitisyon. Anpil moun sou rezo a ap mande liberasyon l prese prese.

Depi kèk jou kesyon kidnapin lan ap parèt tèt li kote gen plizyè moun ki getan sibi zak sa. Yon sitiyasyon ki montre nèg yo pa chome malgre jan peyi a ye la apre pasaj tranbleman tè a.

Naïza Fadianie kidnape depi madi, ravisè yo bay fanmi l yon "ultimatum" midi jodia pou yo jwenn lajan an

Dekouvri plis:

Haïti: l’essentiel de l’actualité du jeudi 26 août 2021

Written By

Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil

Click to comment

Leave a Reply

Votre adresse e-mail ne sera pas publiée. Les champs obligatoires sont indiqués avec *

Plus de contenu

Insécurité

Au moins 119 cas de  kidnapping recensés pour la première moitié du mois d’octobre, selon le CARDH La Cellule d’observation de la criminalité du...

Insécurité

L’épouse du pasteur Ferrer Michel demande la libération de son mari. Dans une vidéo circulant sur les réseaux sociaux, l’épouse du pasteur Ferrer Michel...

Insécurité

Kidnapping des missionnaires: les États-Unis rappellent qu’ils “ne négocient pas” avec ceux qui kidnappent leurs citoyens Les États-Unis ont réitéré ce mardi que leur...

Insécurité

15 à 20 cas de kidnapping connus par jour, le SDP pointe d’un doigt accusateur les Jovenelistes et les Martellistes Le pays compte 15...