Nérilia Mondésir deklare Jamayik lagè nan match aswè a

Nérilia Mondésir deklare seleksyon Jamayik lan lagè pou match k ap fèt aswè a.

Aswè a seleksyon feminen an gen yon dènye match li gen pou l jwe nan kad dènye tou Concacaf Women Championship (CWC) ki se eliminwa zòn lan pou mondyal 2023 nan peyi Ostrali ak Nouvèl Zelann. Jounalis espòtif Jean Pierre Étienne rapòte deklarasyon Nérilia Mondésir apwopo de rankont sa ki trè enpòtan pou seleksyon an.

Nérilia Mondésir k ap jwe an Frans nan ekip Monpelye a fè konnen li p ap pale de revanch men yo pral fè tout sa k posib pou bat match sa li konsidere kòm yon gè. “M pa pral pale de revanch paske m pa t nan match 2018 la. Nou pral fè tout sa k posib pou nou bat Jamayik. Nou pa pral panse match nil. Nou prale pou nou genyen match la. Match sa, se pral yon gè”, se konsa grenadyè a te reyaji.

Nan dènye faz sa, Ayiti te pèdi pou premye soti yo 3-0 kont Etazini. Yo ta pral reprann yo kont Meksik ak yon viktwa istorik 3-0. Jodia yon match nil bon pou ekip la ki ap pèmèt li pran yon plas pou ale patisipe nan mondyal la.

Mondyal feminen an ap fèt an 2023 nan 2 peyi ki se Ostrali ak Nouvèl Zelann. L ap koumanse 20 jiyè pou bout 20 out. Se pral nevyèm edisyon konpetisyon sa k ap jwe nan 12 estad.

Dekouvri plis:

Le taux de référence calculé par la BRH pour ce lundi 11 juillet 2022