Etazini: yon avyon konpayi American Airlines pran dife aprè l fin frape ak yon zwazo.
Aprè yon zwazo rantre an kolizyon ak li, yon avyon konpayi American Airlines pran dife nan nivo reyaktè yè dimanch maten 23 avril 2023 a. Pilòt la te oblije ateri nan ayewopò Columbus kote avyon an te soti a. Pa gen okenn viktim aprè ensidan sa, selon medya ameriken CNN.
Daprè enfòmasyon yo, avyon an t ap soti nan ayewopò Columbus pou ale Phoenix avèk 173 pasaje. Aprè 39 minit vòl, pilòt la te oblije kase tèt tounen paske yon zwazo ki touche aparèy la te pwovoke dife nan reyaktè Boeing 737-800 konpayi a.
Daprè enfòmasyon jounal la, pa gen okenn blese. Tout moun te oblije retounen akoz ensidan sa ki te kreye gwo panik lakay pasaje yo ki t ap viv reyaktè Boeing 737-800 lan ki t ap pran dife.
Plizyè nan pasaje sa yo te eksplike moman panik sa nan mikwo kèk medya.
Avyon an sibi yon pwoblèm mekanik, yo voye l nan pòt anbakman pou mentnans, daprè sa konpayi American Airlines fè konnen ke CNN rapòte.
N ap raple 21 avril pase a, yon avyon konpayi sa te pran dife kèk segond pandan li ta pral dekole nan ayewopò Charlotte nan Caroline du Nord.
En savoir plus:
Deux économistes dominicains préconisent la libre circulation du peso dominicain en Haïti
