Connect with us

Hi, what are you looking for?

Aktyalite AN KREYÒL

Aka selebre jounen Entènasyonal lang ak kilti kreyòl 

Ki lè n ap valorize lang kreyòl tout bon?

Aka selebre jounen Entènasyonal lang ak kilti kreyòl: lang kreyòl, lang fyète, lang rezistans

Jounen jedi 28 oktòb la se Jounen Entènasyonal lang ak kilti kreyòl ki selebre chak ane nan dat sa. «Lang Kreyòl tout kote san fòskote !» , se tèm sa Akademi Kreyòl Ayisyen kenbe ane a pou make evènman an.

Nan diskou Prezidan Akademi Kreyòl Ayisyen nan okazyon, Jean Pauris Jean-Baptiste fè konnen tèm sa a dwe reflete sitiyasyon nou kòm pèp ki fè fas ak yon reyalite sosyo lengwistik latwoublay alòske n ap viv kòm pi gwo kominote kreyolofòn nan monn lan.

Juno7 Pub

“Lè Akademi Kreyòl Ayisyen pote tèm «Lang kreyòl tout kote, san fòskote!» se pa yon souwè, se plis pase sa. Se pito yon rapèl, yon fwote memwa, yon mesaj ki dwe atire atansyon tout moun – tout sektè kit se lekòl, legliz, inivèsite, sant rechèch, konsila ak anbasad Ayiti ki tabli nan divès kwen sou latè pou yo enplike yo nan fè pwomosyon lang kreyòl ayisyen an epi kore devlòpman li”, se sa misye Jean-Baptiste eksplike.

Li rapousib pou li di “Nan divès Anbasad Ayiti nan lòt peyi, fòk Anbasadè peyi Ayiti ankouraje etranje pale lang lan menm jan  Ayisyen nan dyaspora ap fè gwo jefò pou aprann pitit yo pale ak ekri kreyòl, se mete sant aprantisaj pou ede Ayisyen tankou etranje konnen lang kreyòl ayisyen an pi plis.”

Nan sans sa a, AKA ankouraje travay Sant N a rive, Sant Toussaint nan Monreyal; Eritaj kilti kreyòl, Espas kreyòl Etazini ak anpil lòt ki nan Amerik latin nan k ap travay kinalaganach pou kenbe banyè lang kreyòl la byen wo.

“Lang kreyòl la se zouti rezistans pèp ayisyen an, se mwayen, se zam pèp la itilize pou defann li, esprime espwa li, enkyetid li, desepsyon li, kè kontan li ak tout bon moman li”, se sa misye Jean- Baptiste raple pandan li presize “Nou dwe toujou goumen pou lang sila a layite kò li toupatou san baboukèt, san fòskote”.

Nan okazyon 28 oktòb la, AKA pa bliye salye tout pèp kreyolofòn sou latè, nan Karayib la ak nan Oseyan Endyen an ak tout Inivèsite ak Adminstrasyon peyi etranje ki ap pouse etid sou lang kreyòl oswa ki bay lang kreyòl yon nivo ofisyèl ou administratif.

“Ayiti se lidè kreyolofoni nan lemonn, Akademi Kreyòl Ayisyen  asire nou li ap travay di pou kore devlopman lang kreyòl la pou li toujou jwe wòl lidè li”, se garanti sa dirijan AKA bay.

Ki lè n ap valorize lang kreyòl tout bon?

Dekouvri plis:

EDSEG: des Étudiants finissants demandent le report des examens prévus pour les 29-30 et 31 Octobre

Written By

John F. Moreau (PDG | juno7) - Jinaud Augustin (ADM, Redacteur en Chef) - Jusner JEAN-PIERRE CPAH, (Economiste) - Pierre Emmanuella Tanis (Rédactrice) - Ody Bien-Eugène (Photographe) - Patrick Edouarzin TCHOOKO (Caricaturiste), Chrisnette Saint Georges (Présentatrice) Dimitry Charles (Rédacteur)

Click to comment

Leave a Reply

Votre adresse e-mail ne sera pas publiée. Les champs obligatoires sont indiqués avec *

Plus de contenu

Actualités

Konsila Jeneral Ayiti nan Atlanta òganize yon gwo aktivite, samdi 26 oktòb 2019 la, 2 jou avan 36zyèm edisyon jounen entènasyonal lang kreyòl la,...