Connect with us

Hi, what are you looking for?

Sports

Kwonikè espòtif Jean Pierre Étienne bay 4 rezon pou yon moun kwè nan viktwa Ayiti aswè a

Kwonikè espòtif Jean Pierre Étienne bay 4 rezon pou yon moun kwè nan viktwa Ayiti aswè a

Aswè a bò 9 è, seleksyon foutbòl Ayiti a ap an deplasman pou jwe match retou kont ekip Kanada a ki konte pou eliminatwa mondyal Kata 2022.

Nan match ale a nan estad Sylvio Cator, grenadye yo te pèdi 0-1. Sa ki mete yo nan move pozisyon pou match retou sa kote se yon viktwa 2-0 ki pi lojik pou yo pou espere kalifye pou dènye faz eliminatwa a.

Jean Pierre Étienne yon kwonikè rekoni epi respekte bay 4 rezon sou paj Facebook li yon moun ta dwe kwè. Jounalis espòtif radyo Ibo a rale kòm premye rezon gwoup aktyèl ki la ki te fè yon remontada an 2019 nan Gold Cup kont ekip Kanada sa ki t ap mennen 2-0 sou nou, nou te chavire bagay la lè n pase yo yon premye gòl pou redui eskò a, yon dezyèm pou egalize epi yon twazyèm pou rache viktwa a nan bouch yo ki te kite yon gou amè pou yo. Fas ak moman inoubliyab sa, Jean Pierre Étienne kwè ke se yon rezon valab pou n kwè.

Juno7 Pub

Si Ayiti te pèdi 0-1 nan match ale a, anpil moun ki t ap gad match la estime nou te ka egalize epi menm fè yon viktwa menm tèlman Kanada pa t ka devlope jwèt li vre nan estad la. Petèt se sa ki fè Jean Pierre Étienne rale dezyèm rezon sa pou l di nou te jwe tèt pou tèt nan dezyèm mitan an ak yo lè yo te fin mennen 0-1 depi nan premye mitan an, eskò a te rete konsa jistan yo pati ak viktwa a.

Jean Pierre Étienne kontinye ak rezon yo pou l di lè ekip sa “Dos au mur” li pi meyè. Li rale absans Johnny Placide, Alex ak Carnejy pou jodia li kwè ki ka bouste rès ekip la. Li bay egzanp sa yo se pou montre an 2019 kont Kanada ekip la pa t gen Adé ak Mechack epi l te chavire bagay yo.

Epi dènye rezon an, JPE estime ekip sa gen karaktè. Plizyè match kont Kostarika, Kanada ak Meksik bay gwoup sa karaktè selon li menm.

9 è Ayiti nan batay, se swa n tou fè sa n ap fè a epi kontinye pakou a, sinon se pou 2026 nou pral oblije ap panse. Grenadye alaso!

Kwonikè espòtif Jean Pierre Étienne bay 4 rezon pou yon moun kwè nan viktwa Ayiti aswè a

Dekouvri plis:

Le MAST a remis des kits alimentaires à la Mairie de Carrefour au profit des réfugiés

Written By

Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil

Click to comment

Leave a Reply

Votre adresse e-mail ne sera pas publiée. Les champs obligatoires sont indiqués avec *

Plus de contenu

Sports

Gras ak viktwa 4 a 1 sou ekip Bèmid lan, Seleksyon nasyonal la kalifye pou patisipe nan faz final Gold Cup la. Gras ak...

Sports

Eliminatoires Quatar 2022 : éliminé par le Canada, Haïti ne sera pas à quatar Le canada s’est imposé face à Haïti le 15 juin...

Sports

La sélection haïtienne mise en déroute par le canada, au Stade Sylvio Cator. Face au Canada cet après midi, les grenadiers ont essuyé leur...

Sports

Les grenadiers affronteront la sélection canadienne ce samedi 12 juin 2021, au Stade Sylvio Cator. Dans quelques heures, les grenadiers disputeront la première manche...