Connect with us

Hi, what are you looking for?

Aktyalite AN KREYÒL

Opozisyon an lanse dènye liy dwat batay la nan objektif pou fòse Jovenel Moïse kite pouvwa a

Opozisyon an lanse dènye liy dwat batay la nan objektif pou fòse Jovenel Moïse kite pouvwa a

Direktwa Politik Opozisyon an (DIRPOD), lanse dènye manch batay la nan tout peyi a, nan yon konferans pou laprès li bay yè samedi  30 janvye 2021 an, nan jaden Radyo tele Kiskeya. Yon lòt kote DIRPOD anonse tou ke y ap prezante bay Popilasyon an dokiman akò politik ke anpil pati politik nan opozisyon an met tèt ansanm pou siyen aprè midi a.

Se devan plizyè militan de baz ak kèk lòt lidè politik nan opozisyon an, epi kèk reprezantan sektè sendikal la ke seremoni sa dewoule avèk yon minit silans ki te fèt nan memwa sosyològ, manb Sektè Demokratik la , Anthony Barbier, ki se mari jounalis  Liliane Pierre Paul epi yon nan moun ki te batay tou pou mete tèt ansanm nan opozisyon an, ki mouri vandredi swa, aprè yon malèz li te gen .

Nenel CASSY yon nan manm komite mobilizasyon sitwayèn te pran Lapawòl pou l te pwofite voye senpati l bay fanmi Mesye Barbier espesyalman ak jounalis Liliane Pierre Paul. Li tou anonse tou ke rèv Anthony Barbier te gen pou peyi a p ap kaba.

Juno7 Pub

“Disparisyon Anthony Barbier dwe ba nou plis fòs pou nou kontinye batay. E nou swete ke li ba nou fòs, epi fè sa li ka fè kote l ye a pou fasilite Jovenel Moïse kite palè nasyonal 7 fevriye 2021 k ap vini la. Nou pral batay pou nou fè kè l kontan kote l ye a. Nan lè k ap vini la yo dokiman inite ak sòti nan kriz la pral akouche devan pèp ayisyen an”, deklare ansyen senatè Nenel CASSY.

Nenel CASSY konfime tou ke tout pati nan opozisyon an deja gen akò sou anpil pòs pou enstalasyon tranzisyon an.

“Nou klè deja sou chwa premye minis, chwa prezidan, chwa monte gouvènman. Sa ki rete kounya se djòb pèp ayisyen an pou fòse Jovenel Moïse kite palè a. Kote m ap pale la, se dènye diskisyon yo k ap fèt”.

Juno7 Pub

Mèt André Michel ki se pòt pawòl sektè demokratik la bò kote pa l anonse dènye manch batay la sou teren an apati de demen, epi anonse tou prezans jounalis ak obsèvatè etranje nan peyi a.

” Jodi dimanch 31 janvye 2021 an, pèp la pral desann nan lari a an mas. Pou mande respekte konstitisyon an, pou l mande enstalasyon tranzisyon ripti a. Jovenel Moïse dwe respekte atik 134-2 konstitisyon an. Deja gen plizyè jounalis ak obsèvatè etranje sou tèren an pou asiste ak dènye manch batay sa, pou fè Jovenel respekte konstitisyon an. Lapolis deja okouran, nou espere l pran resposablite l”.

Premye ak 2 fevriye  k ap vini la, se ap 2 jou grèv nan tout peyi a. Reprezantan sendikal yo ak lòt lidè politik mande Popilasyon an pou respekte grèv sa yon fason pou di NON ak ensekirite a k ap taye banda epi voye yon avètisman bay pouvwa an plas la pou  di l li pa gen kapasite dirije peyi a.

Juno7 Pub
Dekouvri plis:

Le taux de référence de la BRH pour ce Samedi 30 janvier 2021 – Juno7 Haiti

Juno7 Pub
Written By

Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil

Plus de contenu

Sécurité

  La PNH rappelle que toute manifestation est interdite sur la voie publique pendant la période  de l’état de siège. La Direction Générale de...

Aktyalite AN KREYÒL

  Sektè Demokratik ak Popilè a nan yon konferans li bay laprès Jodi 4 fevriye 2021 an, nan biwo pati politik ASO, fè konnen...

Aktyalite AN KREYÒL

  Sektè demokratik la mande pèp la leve kanpe pou fèmen peyi a nan lide pou fè respekte konstitisyon an. Reyisit de (2) jounen...

Actualités

  Manif du SPNH: Le DG Léon Charles met en garde contre la présence d’hommes armés. Port-au-Prince , Haïti .- À l’initiative du syndicat...