Eril Dédé se non yon chofè ki tou pwopriyetè konpayi transpò “Voix des Anges”, endividi kidnape granm bonè lendi 18 janvye a, zòn Pòtay Lewogàn.
Apre zak sila a, pou eksprime kòlè ak fistrasyon yo, lòt chofè melanje ak moun zòn lan drese barikad kawotchou, kanpe machin nan wout la pou egzije libeasyon chofè a.
Changeux Méhu, prezidan Asosiyasyon Nasyonal Pwopriyetè ak Chofè Ayiti yo (ANPCH), fè konnen chofè a se nèg ak zam ki kidnape l pandan l te pare pou l rann li nan pakin kote bis li a te ye a. Toujou selon Changeux Méhu, kidnapè yo pran wout Vilaj de Dye ak Eril Dédé ki se yon sitwayen ayisyen ki fèt nan komin Aken.
Changeux Méhu te fè konnen tou nan premye deklarasyon l yo poko gen montan ravisè yo mande pou liberasyon chofè sa ki konn fè trajè Pòtoprens-Okay.
Pou kounya chofè yo sou beton an zòn pòtay Lewogàn ap egzije liberasyon Eril Dédé.
Dekouvri plis:
Le secteur protestant opte pour le départ du président le 7 février 2021
