Nan yon avi Ministè Sante Piblik ak Popilasyon mete deyò ki pote siyati minis Doktè Marie Gréta Roy Clément, fè konnen gen 2 varyan kowona viris (Covid-19) ministè a jwenn sou teritwa a.
2 varyan sa yo daprè MSPP se varyan brezilyen an ak pa anglè a. Avi a fè konnen Laboratwa Nasyonal ap kontinye mennen envestigasyon pou konnen konsekans varyan sayo kapab genyen pandan l ministè a souliye yo konsyan kijan varyan sa yo ka simaye byen vit anndan peyi a.
Nan sans sa avi a mande pou sitwayen yo toujou mete kachnen, lave men nou, toujou pran tanperati moun yo, pou moun respekte pa distans 1 mèt 50 lan.
Nan dènye bilan an, MSPP deklare li anrejistre 48 nouvo ka (Covid-19) pou dat 11 me a. Sa ki bay yon total 13, 353 ka konfime, 1 938 moun pase lopital, 271 moun mouri epi 12 414 moun trete. 48 nouvo ka yo, 43 ladan yo soti nan depatman Lwès la.
Dekouvrim plis:
SMCRS: en 6 mois, Magalie Habitant a mal dépensé 39 millions de gourdes selon la FJKL
Articles similaires
Mwen se Dimitry Charles, jounalis redaktè anndan Juno7, mwen etidye kominikasyon ak jounalis, mwen fè redaksyon pwojè tou. M ap kolabore anndan Juno7 paske m vle fè yon jounalis itil
