Tanpèt twopikal Grâce: Vijilans wouj kenbe pandan tanpèt la kontinye ap wete kò l sou peyi a

Tanpèt twopikal Grâce: Otorite yo kenbe vijilans wouj pandan Tanpèt twopikal Grâce ap retire kò l sou peyi a.

Dènye bilten meteyo pou jodi madi 17 out la anonse vijilans wouj kenbe nan plan nasyonal risk ak dezas pou tout peyi a pandan tanpèt la ap retire kò l tou piti sou teritwa a.

Si yè swa Grâce te yon depresyon, pou kounya li transfòme an Tanpèt twopikal. Aktivite lapli yo toujou ap rapousib sou rejyon Sid lan kote depatman Sid, Sidès, Grand’Anse, Nip, yo toujou anba lapli.

Nan Pòtoprens, yè lapli a te fè yon bon tan ap tonbe. Pou jodi madi a, nou ka remake lapli a kanpe men tan an toujou an demwazèl.

Daprè bilten an, Tanpèt twopikal Grâce kontinye ap retire kò l tou piti men tan an toujou gen nyaj ki ka koze lapli.

Otorite yo mande ak popilasyon ki twouve yo nan zòn ki gen risk yo pou yo rete vijilan pandan y ap mete an aplikasyon tout konsiy abityèl yo paske ka gen inondasyon sitou nan depatman Sid, Grandans ak Nip ki se 3 depatman ki te frape fò pa tranbleman samdi an.

Entèdiksyon pou yon bout tan sou kot Sid la ak kesyon kabotaj. Entèdiksyon pou moun pa sikile sou rejyon Sid la tou. Otorite yo mande pou moun pa ale fè tantativ travase ravin, rivyè.

Dekouvri plis:

Séisme du 14 août: le RNDDH exhorte les autorités étatiques à éviter les erreurs de 2010